દૂધ, છાસ, દહી, પશુદાણ બાદ હવે અમૂલે એક કિલો બટરની કિંમત રૂ.530થી વધીને રૂ.550 કરી
મોંઘવારીની જનતાને વધુ એક ફટકાર
અમૂલે બટરના ભાવમાં કર્યો વધારો
પ્રતિ કિલોએ રૂ.20નો કર્યો વધારો
દેશની સામાન્ય જનતાને મોંધવારીનો વધુ એક માર ઝીલવામાં આવ્યો છે. અમૂલે બટરના ભાવમાં 20 રૂપિયાનો વધારો કરી દીધો છે. દૂધ બાદ હવે બટરના ભાવમાં પ્રતિ કિલોએ આ વધારો કરવામાં આવ્યો છે. હવે 100 ગ્રામ બટર પેકિંગ હવે રૂ.50ને સ્થાને રૂ.52માં મળશે, 500 ગ્રામ બટર પેકિંગ રૂ.245ના બદલે રૂ.250માં મળશે જ્યારે એક કિલો બટરની કિંમત રૂ.530થી વધીને રૂ.550 પહોંચી છે.
અમુલનું વાર્ષિક ટર્ન ઓવર 10 હજાર કરોડને પાર
અમુલના ચેરમેન અમુલ ચેરમેનના જણાવ્યા અનુસાર અમુલનું વાર્ષિક ટર્ન ઓવર 10 હજાર કરોડ પાર પહોંચ્યું છે. વધુમાં તેઓએ કહ્યું હતું કે ગત વર્ષે દૂધ ની આવક 131 કરોડ લીટર થઈ હતી.ચાલુ વર્ષે 150 કરોડ લીટર દૂધ ની આવક થઈ છે. ખેડુતો ને અંતિમ ભાવ ની રકમ માં પણ 9.37 ટકા નો વધારો કરાયો હોવાની માહિતી આપતા જણાવ્યું હતું કે ગત વર્ષે 320 કરોડ અંતિમ ભાવ ની ચુકવણી થઈ હતી. ચાલુ વર્ષે 350 કરોડ થી વધુ રકમ ખેડૂતોને ચૂકવાઈ છે.
ગત દિવસોમાં જ અમૂલ દુધમાં લિટરે 2 રૂપિયાનો વધારો ઝીંકાયો હતો
1 માર્ચથી અમૂલ ગોલ્ડ, અમૂલ શક્તિ, અમૂલ તાજા સ્પેશિયલના ભાવમાં તેમજ છાસ અને દહીના ભાવમાં પણ પ્રતિ લીટર બે રૂપિયાનો વધારો કરવામાં આવ્યો હતો. ગુજરાત કોઓપરેટીવ મિલ્ક માર્કેટિંગ ફેડરેશન દ્વારા અમૂલ દૂધના છાશ અને દહીંમાં ભાવ વધારા બાદ હવે અમુલ દ્વારા પશુદાણમાં પણ વધારો ઝીંકવામાં આવ્યો હતો. અમુલ ન્યુટ્રી ગોલ્ડ 50 કિલો દાણના ભાવ 135 જેટલો વધ્યો, જ્યારે અમુલ ન્યુટ્રી રિચ 50 કિલોમાં 200 રૂપિયાનો વધારો, 11 માર્ચ 2022થી થશે નવો વધારો લાગુ થઈ ગયો છે. સાથે સાથે આ અગાઉ અમુલે પશુપાલકોને અપાતી કિંમતોમાં પણ વધારો કર્યો હતો પ્રતિ કીલો ફેટે પશુપાલકોને રૂ.35ને સ્થાને રૂ40 આપવાનો નિર્ણય કરવામાં આવ્યો હતો.