મોંઘવારીનો વધુ એક માર ! / અમૂલ ડેરીએ અમૂલ શક્તિ દૂધના ભાવ વધાર્યા, જાણો નવા ભાવ

• અમૂલ ડેરીએ દૂધના ભાવમાં કર્યો વધારો 
• અમૂલ શક્તિના ભાવમાં 2 રૂપિયાનો વધારો 

અમૂલે પહેલાં દહીંના ભાવમાં ચૂપચાપ પ્રતિ કિલો રૂ.પનો વધારો ઝીંકી દીધો હતો. હવે અમૂલ શક્તિના ભાવમાં પણ બે દિવસ પછી અચાનક જ  ભાવ વધારો કરી દેવાતાં 500 એમએલ પાઉચના રૂ.26 ચૂકવવા પડશે. 

પાછલા ત્રણ વર્ષમાં આ બીજો ભાવવધારો

અત્રે ઉલ્લેખનીય છે કે અમૂલ દ્વારા દૂધના ભાવમાં પાછલા ત્રણ વર્ષમાં આ બીજો ભાવવધારો  છે. પાછલાં ત્રણ વર્ષમાં અમૂલ દ્વારા દૂધની વેચાણ કિંમતમાં રૂ.4 પ્રતિ લિટરનો ભાવ વધારો કરાયો છે. જે વધારો વર્ષે ત્રણ ટકાથી પણ ઓછો છે અને આ દૂધનો ભાવ વધારો દિલ્હી અને એનસીઆર- NCR, પશ્ચિમ બંગાળ, મુંબઈ અને મહારાષ્ટ્રમાં પણ અમલ થશે.

જાણો નવા ભાવ 

આ ભાવ વધારા પછી  અમદાવાદમાં અમૂલ ગોલ્ડના 500 એમએલ પાઉચનો નવો ભાવ રૂ.28 રહેશે અને અમૂલ તાજા 500 એમએલ પાઉચનો ભાવ રૂ.22, શક્તિ 500 એમએલ પાઉચનો ભાવ રૂ.25 અને અમૂલ કાઉ મિલ્ક 500 એમએલ પાઉચનો ભાવ રૂ.30 ચૂકવવો પડશે. 

બિયારણ તેમજ ઘાસચારાના ભાવમાં વધારો જવાબદાર 

અમૂલ દૂધનો ભાવ વધારો  બિયારણ તેમજ ઘાસચારાના ભાવમાં વધારો થયો હોવાથી ખેડૂતોને પણ વધુ વળતર મળી રહે તે માટે આ ભાવ વધારો કરાયો હોવાનું જાણવા મળે છે. બીજી તરફ મધર ડેરીએ પણ દૂધમાં લિટરે રૂ.૩ સુધીનો વધારો કર્યો છે.