દેશભરમાં મોંઘવારીએ માઝા મુકી છે ત્યારે અમૂલ ડેરી દ્વારા પણ દૂધના ભાવમાં વધારો કરવામાં આવતા સામાન્ય માનવીને વધુ એક બોજ વધ્યો છે.
મધ્યમ વર્ગને મોંઘવારીનો વધુ એક માર
અમૂલ દૂધની તમામ બ્રાંડમાં ભાવ વધારો
અમૂલ દૂધની બ્રાંડમાં પ્રતિ લિટર રૂ.2નો વધારો
મળતી જાણકારી પ્રમાણે, દેશની અગ્રણી કંપની અમૂલ હવે ફરીથી દૂધના ભાવ વધારવાની તૈયારીમાં કરી છે. અમુલ દૂધના ભાવમાં આવતીકાલથી પ્રતિ લીટર રૂપિયા 2નો વધારો કરવામાં આવ્યો છે. નવા ભાવ 1 જૂલાઈ એટલે આવતીકાલથી લાગૂ કરી દેવામાં આવશે.
જાણો નવો ભાવ
2 રૂપિયાનો વધારો પ્રતિ લીટર દીઠ લાગૂ થશે, જેમાં અમૂલ ગોલ્ડ પ્રતિલિટર રૂ.58માં તથા અમૂલ તાજા પ્રતિ લિટર રૂ.46 તથા અમૂલ શક્તિ પ્રતિ લીટર રૂ.52માં ગ્રાહકને મળશે.
2 રૂપિયાનો તોળાયો વધારો
ઉલ્લેખનીય છે કે, અમૂલ ગોલ્ડ, અમૂલ શક્તિ, અમૂલ ટી સ્પેશિયલના ભાવમાં પ્રતિ લીટર બે રૂપિયાનો વધારો કરવામાં આવ્યો છે. ભાવ વધારાની અસર નાના શહેરોથી લઇને અમદાવાદ, સુરત, મુંબઇ, દિલ્હી જેવા મોટા શહેરોમાં પણ જોવા મળશે.
દૂધની આવકમાં સતત થઇ રહેલા ઘટાડાને લઈને લેવાયો નિર્ણય
ડેરી ઉદ્યોગમાં ઉનાળાના સમયમાં દૂધની આવકમાં સતત થઇ રહેલા ઘટાડા તેમજ દૂધની ખરીદ કિંમતમાં કરવામાં આવેલા વધારાને કારણે 2 વર્ષ બાદ દૂધના ભાવમાં વધારો કરવાની ફરજ પડી છે.