અમદાવાદમાં ઈલેક્ટ્રીક બસને સફળતા મળી છે. ત્યારે હવે વધુ 50 ઈ-બસ શરૂ કરવામાં આવશે. AMTSની કમિટીમાં આ મામલે મંજૂરી આપવામાં આવી છે.
અમદાવાદમાં વધુ 50 ઈ-બસ શરૂ કરાશે
જમાલપુર ખાતે ઈ-ચાર્જિંગ સ્ટેશન બનાવાશે
2 કરોડ 65 લાખના ખર્ચે બનશે ઈ-ચાર્જિંગ સ્ટેશન
અમદાવાદ મ્યુનિસિપલ ટ્રાન્સપોર્ટ દ્વારા હવે આગામી સમયમાં ઇલેક્ટ્રિક બસ શરૂઆત કરવામા આવશે. અમદાવાદ કોર્પોરેશન દ્વારા આગામી સમયમાં જૂન-જુલાઈ માસમાં 50 નવી ઇલેક્ટ્રિક બસ ટાટા કંપની પાસેથી ખરીદી કરવાનો ઓર્ડર આપવામાં આવ્યો છે. તે પહેલાં જ ઇલેક્ટ્રીક લાઈન લેવા માટે ટોરેન્ટ પાવર પાસેથી ટેન્ડર પ્રક્રિયા પૂર્ણ કરી દેવામાં આવી છે. આ ઇલેક્ટ્રિક ચાર્જીંગ સ્ટેશન પાછળ કુલ 2 કરોડ 65 લાખ સુધીનો ખર્ચ થશે. જેમાં બેઝીક કોર્પોરેશન ખર્ચ કરશે બાકીનો ખર્ચ ટાટા કરશે.
બુધવારે મળેલી AMTS કમિટીમાં આ કામ મંજૂર કરવામાં આવ્યું. પેટ્રોલ-ડીઝલની કિંમત વધતા તેની અસર AMTSનાં મુસાફરોની સંખ્યામાં પડી છે. મુસાફરોની સંખ્યા વધતાં આવક પણ વધી છે.
જાન્યુઆરી માસમાં દરરોજના 1.90 લાખ લોકોએ મુસાફરી કરી હતી. જ્યારે ફેબ્રુઆરી માસમાં 2.53 લાખ લોકોએ અને માર્ચ માસમાં 2.93 લાખ લોકોએ મુસાફરી કરી છે. જ્યારે એપ્રિલ માસમાં અત્યાર સુધી 3.40 લાખ લોકો મુસાફરી કરી છે.