વિવાદ / BRTS રૂટમાં AMTS દોડાવવા મામલે કમિશનર અને મનપા આમને સામને

• BRTSનો વકરો વધારવા AMTSને વધેરવાની તૈયારી
• આજથી આ AMTS બસો BRTS કોરીડોરમાં નહીં દોડે
• કુલ 321 AMTS બસો BRTS કોરીડોરમાં દોડતી હતી

કાલે મ્યુનિ. કમિશનર દ્વારા બીઆરટીએસ ( BRTS )  કોરિડોરમાં દોડતી એએમટીએસ બસને નહીં દોડાવવાની તાકીદ એએમટીએસ ( AMTS ) સત્તાવાળાઓને આપી હતી. જેના કારણે હવેથી બીઆરટીએસ ( BRTS )  કોરિડોરમાં દોડતી એએમટીએસની કુલ 321 બસોને તબક્કાવાર હટાવાશે. 

આજથી આ AMTS બસો BRTS કોરીડોમાં નહીં દોડે

આજથી શિવરંજની ચાર રસ્તાથી ઘુમા ગામ સુધીના બીઆરટીએસ ( BRTS ) કોરિડોરમાં દોડતી એએમટીએસ ( AMTS ) રૂટ નં.49, 49 શટલ, 50, 138-1, 151, 151-3ની તમામ બસો કોરિડોર બહાર જનરલ ટ્રાફિકમાં દોડશે. એએમટીએસ ( AMTS ) તંત્ર દ્વારા સત્તાવાર જાહેરાત પણ કરાઇ છે. જોકે બીઆરટીએસ ( BRTS )  રૂટને સમાંતર દોડતી એએમટીએસ ( AMTS ) બસ હટાવવા શાસકો તૈયાર નથી. 

BRTSનો વકરો વધારવા AMTSને વધેરવાની તૈયારી

એએમટીએસના ચેરમેન અતુલ ભાવસાર કહે છે બીઆરટીએસ ( BRTS )  કોરિડોર મ્યુનિ. વહીવટીતંત્રની હોઇ તેમાંથી એએમટીએસ બસને ચલાવવાની ના પાડશે તો તે માટે અમે તૈયાર છીએ. આજથી એએમટીએસ ( AMTS )ની બસને તબક્કાવાર હટાવી લેવાશે. પરંતુ બીઆરટીએસ ( BRTS )  કોરિડોરને સમાંતર દોડતી એએમટીએસ ( AMTS ) બસને હટાવી લેવાની તંત્રની સૂચના વાજબી નથી. ફક્ત બીઆરટીએસ ( BRTS )  બસનો વકરો વધારવા માટે આવી સૂચના અપાઇ છે. પરંતુ હું તેમ નહીં કરું અને બીઆરટીએસ ( BRTS )  કોરિડોરને સમાંતર ચાલતી એએમટીએસ ( AMTS )ની બસ યથાવત દોડશે.