અમદાવાદ AMC બ્રેક ફેલ થતા AMTSનો અકસ્માત થયો હતો. જેમાં બેકાબુ બસ કોરિડોરની ગ્રીલનો કડુસ્લો બોલાવી પેટ્રોલ પંપમાં ઘૂસી ગઈ હતી. જેના CCTV સામે આવ્યા છે.
અમદાવાદ AMC નજીક AMTSને નડ્યો અકસ્માત
કોર્પોરેશન નજીક બસની બ્રેક ફેલ થતા થયો અકસ્માત
BRTS કોરિડોરની ગ્રીલ તોડી બસ પેટ્રોલ પંપમાં ઘૂસી
AMC નજીક AMTSને અકસ્માત નડ્યો હોવાની ઘટના સામેં આવી છે. જેમાં પુર પાટ વેગે દોડતી બસની એકાએક બ્રેક ફેલ થઈ ગઈ હતી. જેને પગલે બસનો અકસ્માત થયો હતો.આથી બેકાબુ બસ કોરીડોર તોડી પેટ્રોલ પંપમાં ઘૂસી ગઇ હતી.આ ઘટનાને લઈને પેસેન્જરોમાં દેકારો બોલી ગયો હતો. જો કે અકસ્માતમાં કોઈ જાનહાનિ ન થતા લોકોએ રાહતનો શ્વાસ લીધો હતો. અકસ્માતની આ ઘટનાના CCTV સામે આવ્યા છે.
સદનસીબે રીક્ષા ચાલકનો બચાવ
શહેરના દાણાપીઠ વિસ્તારમાં મ્યુનિસિપલ કોર્પોરેશનની મુખ્ય ઓફિસ નજીક બસનો અકસ્માત થયો હતો. AMTSની રૂટ નંબર 14ની બસ વાયુ વેગે દોડતી આવી હતી. જેના ચાલકે સ્ટીયરીંગ પરનો કાબુ ગુમાવતા બસ રેલિંગ તોડી પેટ્રોલ પંપમાં ઘૂસીગઈ હતી. આ દરમિયાન રેલીગના ટુકડા આડે આવી જતા માંડ બસ રોકાઈ હતી. જેને લઈને જાનહાની અટકી હતી. CCTV માં એક રીક્ષાનો પણ સદનસીબે બચાવ થયો જોવાનું દ્રશ્યમાન થાય છે.
ચાણસ્માના રૂપપુર ગામેં અકસ્માતમાં યુવાનનું મોત
રાજ્યમાં અકસ્માતની વધુ એક ઘટના ચાણસ્મા તાલુકાના રૂપપુર ગામેં સામે આવી હતી. રૂપપુર ગામ નજીક બાઈક અને આઈસર ટ્રક ધડાકાભેર અકસ્માત થયો હતો. આ કરુણ ઘટનામાં બાઈક સવાર યુવાનને ગંભીર ઇજા થવા પામી હતી. જેને સારવાર મળે તે પહેલા ઘટનાસ્થળે જ યુવાન કાળનો કોળિયો બની ગયો હતો. જે અંગેના સમાચાર સામે આવતા પરિવારજનોમાં રોકકળાટ ફેલાયો છે. બીજી તરફ આ મામલે સ્થાનિક પોલીસ પણ ઘટનાસ્થળે દોડી ગઇ હતી અને મૃતદેહને હોસ્પિટલ ખસેડવા સહિતની કાર્યવાહી આગળ ધપાવી હતી.