ગુજરાતમાં કોરોના વાયરસની મહામારીનો પ્રકોપ યથાવત જોવા મળી રહ્યો છે. ત્યારે લોકડાઉન દરમિયાન બંધ કરવામાં આવેલી AMTS-BRTS બસોનો આજથી રાબેતા મુજબ પૂર્વથી પશ્ચિમ સેવા શરૂ કરવામાં આવી રહી છે. હાલના અનલોકમાં AMTS-BRTS બસ સેવાનો પ્રારંભ કરવામાં આવ્યો હતો, જો કે તે બસો કન્ટેનમેન્ટ ઝોન સિવાયના વિસ્તારમાં તેમજ પશ્ચિમથી પૂર્વ તરફ શરૂ નહોતી કરવામાં આવી.
અમદાવાદમાં પૂર્વ થી પશ્ચિમ AMTS-BRTS બસ થશે શરૂ
AMC દ્વારા આજથી બસ સેવા શરૂ કરાશે
50 ટકા પેસેન્જર સાથે બસો રૂટ પર થશે ફરતી
અમદાવાદ મ્યુનિસિપલ કોર્પોરેશન દ્વારા આજથી AMTS-BRTS બસ સેવા 50 ટકા પેસેન્જર સાથે પૂર્વથી પશ્ચિમ રૂટ પર બસ શરૂ કરવામાં આવી રહી છે. જો કે તંત્ર દ્વારા કોરોના મુદ્દે સોશિયલ ડિસ્ટન્સિંગનું પાલન કરવાને લઇ તાકીદ કરવામાં આવી છે.
તંત્ર દ્વારા મળતી વિગત અનુસાર શહેરમાં 700 AMTS પૂર્વથી પશ્ચિમ રૂટ પર શરૂ કરાશે, જ્યારે BRTSની 222 સેવા ફરી પૂર્વથી પશ્ચિમ તરફની શરૂ કરવામાં આવી છે. ઉલ્લેખનીય છે કે કોરોના સંક્રમણના પગલે પૂર્વથી પશ્ચિમ તરફની બસ સેવા બંધ કરવામાં આવી હતી.
કોરોના વચ્ચે શું કાળજી રાખવી પડશે?
બસ સ્ટેન્ડ પર મુસાફરોએ સોશિયલ ડિસ્ટન્સનું પાલન કરવાનું રહેશે
AMTSમાં કન્ડક્ટર અને BRTSમાં ગાર્ડની સૂચનાનું પાલન કરવાનું રહેશે