બોલિવૂડ એક્ટ્રેસ અમૃતા રાવે હાલમાં જ એક બાળકને જન્મ આપ્યો છે. માતા બનીને અમૃતાની ખુશીનો પાર રહ્યો નથી, તે હાલ પોતાનું મધરહૂડ એન્જોય કરી રહી છે અને હાલમાં જ અમૃતાએ પોતાના બાળકના નામનો ખુલાસો કર્યો છે.
A post shared by AMRITA RAO🇮🇳 (@amrita_rao_insta) on
શું છે અમૃતાના દિકરાનું નામ
એક્ટ્રેસ અને તેના પતિ આરજે અનમોલે તેમના બાળકનું નામ 'વીર' રાખ્યુ છે. અમૃતાએ પતિની પોસ્ટ રી-શૅર કરીને ફેન્સને આ વાતની જાણકારી આપી હતી. તસવીરમાં કપલે તેમના બાળકના નાના હાથને પકડી રાખ્યા છે અને કેપ્શનમાં લખ્યું છે કે હેલ્લો વર્લ્ડ...અમારા દિકરા વીરને મળો. તમારા બધાનો આશીર્વાદ જોઇએ છે. અમૃતાની આ પોસ્ટ પર કમેન્ટ્સ આવી રહી છે અને ફેન્સ પણ તેમને પેરેન્ટ્સ બનવા પર શુભકામનાઓ આપી રહ્યાં છે.
નોંધનીય છે કે અમૃતા અને તેના પતિએ માતા-પિતા બનવાની જાણકારી સોશ્યલ મિડીયા દ્વારા આપી હતી. ત્યારે કપલે ફેન્સને નામ સજેસ્ટ કરવા પણ કહ્યું હતું. અમૃતાએ પ્રેગનન્સી દરમિયાન બેબી બમ્પ ફ્લોન્ટ કરતા વીડિયોઝ પણ મુક્યા હતા.
કપલે લગ્ન પહેલા એકબીજાને 7 વર્ષ સુધી ડેટ કર્યા હતા અને બાદમાં 2016માં તેમણે લગ્ન કરી લીધા હતા. અમૃતા અને અનમોલનું આ પહેલુ બાળક છે. વર્કફ્રન્ટની વાત કરીએ તો અમૃતા છેલ્લી વાર ઠાકરે ફિલ્મમાં દેખાઇ હતી