પાકિસ્તાન ભાગી જા / અમૃતપાલ સિંહે પાકિસ્તાન ભાગી જવું જોઈએ, સરેન્ડર કરવાની જરૂર નથી: પંજાબના સાંસદનું ભડકાઉ નિવેદન

• અકાલી દળના વડાએ આપ્યું ચોંકાવનારૂં નિવેદન
• સિમરજીત સિંહ માને અમૃતપાલને સરેન્ડર ન કરવા કહ્યું
• અમૃતપાલ સિંહને પાકિસ્તાન જવાની સલાહ આપી 

લોકસભાના સાંસદ અને શિરોમણી અકાલી દળના વડા સિમરજીત સિંહ માનને ભાગેડુ અમૃતપાલ સિંહને પાકિસ્તાન જવાની સલાહ આપી છે. સિમરનજીત સિંહ માને કહ્યું કે અમૃતપાલે આત્મસમર્પણ ન કરવું જોઈએ. તેણે રાવી નદી પાર કરીને પાકિસ્તાન જવું જોઈએ. સંગરુર માનના લોકસભા સાંસદે કહ્યું કે, અમે 1984માં પણ પાકિસ્તાન ગયા હતા. માને એક મીડિયા સંસ્થાને આપેલા ઈન્ટરવ્યુમાં આ વાત કહી. તેમણે કહ્યું અમૃતપાલને નેપાળ જવાની શું જરૂર છે. તેણે પાડોશી દેશ જવું જોઈએ.

અમૃતપાલ સિંહને પાકિસ્તાન જવાની સલાહ આપી 

જ્યારે પૂછવામાં આવ્યું કે શું અમૃતપાલનું પાકિસ્તાન ભાગી જવું યોગ્ય છે, તો માનએ કહ્યું કે તેના જીવને ખતરો છે. જો સરકાર અત્યાચાર કરી રહી હોય તો તે શીખ ઈતિહાસ મુજબ વાજબી છે. તેણે પાકિસ્તાન ચાલ્યા જવું જોઈએ. સિમરનજીત સિંહ માનની ટિપ્પણી 1984ની ઘટનાઓનો સંદર્ભ છે જ્યારે શીખ વિરોધી રમખાણો થયા હતા. તત્કાલિન વડાપ્રધાન ઈન્દિરા ગાંધીએ જનરલ સિંહ ભિંડરાનવાલે અને તેમના ખાલિસ્તાની સાથીઓને ખતમ કરવા માટે ઓપરેશન બ્લુ સ્ટારનો આદેશ આપ્યો હતો. આ પછી ભારતીય સેના અમૃતસરના સુવર્ણ મંદિરમાં પ્રવેશી. ત્યારપછી ઈન્દિરા ગાંધીની તેમના શીખ અંગરક્ષકો દ્વારા હત્યા કરવામાં આવી હતી. ઈન્દિરા ગાંધીની હત્યા બાદ મોટા પ્રમાણમાં શીખ વિરોધી રમખાણો થયા હતા.

અમૃતપાલ કરી શકે છે સરેન્ડર

માનની ટિપ્પણી એવા સમયે આવી છે જ્યારે એવી અટકળો છે કે ખાલિસ્તાની અલગતાવાદી નેતા અમૃતપાલ સિંહ અમૃતસરમાં અકાલ તખ્ત, ભટિંડામાં તખ્ત દમદમા સાહિબ અથવા આનંદપુર સાહિબના તખ્ત કેશગઢ સાહિબમાં સરેન્ડર કરી શકે છે.

18 માર્ચથી અમૃતપાલ સિંહ ફરાર

પંજાબ પોલીસે 18 માર્ચના રોજ અમૃતપાલ સિંહ અને તેના સહયોગીઓ વિરુદ્ધ મોટા પાયે ઓપરેશન શરૂ કર્યું હતું. ત્યારથી અમૃતપાલ સિંહ ફરાર છે. એક દિવસ પહેલા ગુરુવારે તેણે એક વીડિયો જાહેર કર્યો જેમાં તેણે પોતાને બળવાખોર ગણાવ્યો હતો.