ક્યાંક સિંહણે બળદનું કર્યું મારણ તો ક્યાંક સિંહ પરિવારનું વાડીમાં રોકાણ VIDEO વાયરલ

અમરેલી જિલ્લાના ધારીના આંબરડી નજીક બળદનો શિકાર કરતી સિંહણનો વીડિયો સોશિયલ મીડિયામાં હાલ વાયરલ થયો છે. આંબરડી પુલ પાસે વહેલી સવારે સિંહણે બળદનું મારણ કર્યું હતું. જેને ઉપસ્થિત લોકોએ પોતાના મોબાઈલના કેમેરામાં કેદ કર્યું હતું.



આપને જણાવી દઇએ કે આ પહેલા ગીર સોમનાથના ઉનામાં શિકાર કરતા સિંહનો વીડિયો વાયરલ થયો હતો. જેમાં ભેંસનું બચ્ચુ (પાડી) રસ્તા પરથી પસાર થઇ રહ્યું હોય છે. તે દરમિયાન પાછળથી અચાનક સિંહે પાડી પર હુમલો કર્યો હતો અને તેનો શિકાર કર્યો હતો. 
 

#Una માં સિંહણ અને બાળસિંહનો ખેતરમાં ટહેલતો વીડિયો વાયરલ ઝૂડવડલી ગામમાં સિંહણ અને બાળસિંહ જોવા મળ્યા ખેતરમાં ફરી રહેલા સિંહોનો વીડિયો સોશિયલ મીડિયામાં #Viral#Lion pic.twitter.com/eEDbZqIlcE

— VTV Gujarati News (@VtvGujarati) October 29 2018

આ ઘટના પણ સ્થાનિક લોકોએ કચકડે કેદ કરી હતી જે વાયરલ થઇ હતી. આપને જણાવી દઇએ કે છેલ્લા કેટલાક સમયગાળાથી સિંહના VIDEO વાયરલ થઇ રહ્યા છે ત્યારે આ મામલે સ્થાનિક વ્યવસ્થાતંત્ર પણ પેટ્રોલિંગ વધારે તેવી લોકમાંગ ઉઠવા પામી છે.  



ઉલ્લેખનીય છે કે આજરોજ સિંહનો અન્ય એક VIDEO પણ વાયરલ થયો છે. જેમાં અમરેલીના ખાખરીયા ગામની એક વાડીમાં સિંહ પરિવારે ધામા નાખ્યા છે. ઘણા સમય પછી પહેલી વખત સિંહ પરિવાર સાથે જોવા મળ્યો છે. અંદાજીત 10-12 સિંહોનો આ પરિવાર છે. જેમાં 2 થી 3 બચ્ચા પણ છે.
 

#Amreli ધારીનાં આંબરડી નજીક બળદનો સિંહણે કર્યો શિકાર
આંબરડી પુલ પાસે વહેલી સવારનાં સિંહણે કર્યુ મારણ સિંહણના મારણનો લાઇવ વીડિયો આવ્યો સામે #SocialMedia માં વાઇરલ થયો વીડિયો અનેક લોકોએ સિંહણનું મારણ નજરે નિહાળ્યું pic.twitter.com/IV3b86IREG

— VTV Gujarati News (@VtvGujarati) October 29 2018

મળતી માહિતી પ્રમાણે સિંહ પરિવારે એક ખેડૂતની વાડીમાં મારણ કર્યું છે. જેથી આ સિંહ પરિવારે ત્યાંજ ધામા નાંખી દીધા છે. જેના કારણે ખેડૂત પરિવારને વાડીમાં જવાથી ડર લાગી રહ્યો છે.



કારણ કે સિંહણ સાથે બચ્ચા હોવાથી તે હુમલો કરી શકે છે. જોકે આ મામલાની જાણ થતાં જ વન અધિકારીઓ દોડી આવ્યા હતા. પરંતુ આ સિંહ પરિવાર શેરડીના ખેતરની અંદર હોવાથી તેને ખદેડવા મુશ્કેલ છે.