વરસાદી પાણીથી જંગલના પાણીના પોઇન્ટ ભરાતા 'સાવજ' ગેલમાં VIDEO વાયરલ

અમરેલીમાં સિંહોની પાણીની સમસ્યા હલ થઈ છે. જિલ્લામાં 3 દિવસથી વરસી રહેલા વરસાદના કારણે જંગલના સિંહોની પાણીની સમસ્યા હલ થઈ છે. વરસાદના પગલે જંગલમાં કુદરતી પાણીના પોઈન્ટમાં પાણીનો ભરાયા છે. જેના પગલે આ કુદરતી પાણીના પોઈન્ટ પર સિંહોની અવર જવરમાં પણ વધારો થયો હતો. જો કે ધારી બાજુનો આ વીડિયો સોશિયલ મીડિયામાં વાયરલ થયો હતો. 

આપને જણાવી દઇએ કે હાલ ઉનાળાનો અંતિમચરણ ચાલી રહ્યો છે અને સમગ્ર રાજ્યમાં ગરમીનો પારો યથાવત છે ત્યારે કાળઝાળ ગરમી વચ્ચે સૌરાષ્ટ્રના કેટલાક પ્રદેશોમાં વરસાદનું આગમન થતાં થોડી રાહત અનુભવાઇ હતી. જો કે ગીરમાં પડેલ વરસાદને પગલે કુદરતી પાણીનો ભરાવો થતાં પ્રાણીઓમાં પણ રાહત અનુભવાઇ હતી. અને 3 સિંહ પાણી પીવા માટે કુદરતી જગ્યાનો ઉપયોગ કરતા નજરે ચઢ્યા હતા.



જો કે આ વિડીયો જાહેર માધ્યમોમાં વાયરલ થયો હતો.આપને જણાવી દઇએ કે આ પહેલા પણ એક ખેતરનો વિડીયો વાયરલ થયો હતો જેમાં સિંહ તરસ છીપાવતો હોય તેવા દ્રશ્યો કચકડે ક્લીક થયા હતા ત્યારે આજે પણ 3 સિંહનો વિડીયો વાયરલ થયો હતો.