અમરેલી જિલ્લાના ધારાના શેમરડી ગામમાં પોલીસે ઘરમાં ઘુસીને તોડફોડ કરી હોવાનો ગ્રામજનોએ આક્ષેપ લગાવ્યો છે. ઘરમાં ઘુસીને ને ટીવી ફ્રીજ સહિત પાણીની મોટર માલ મિલકતને પણ નુકસાન કર્યું હોવાનો આરોપ સ્થાનિકોએ લગાવ્યો છે.
પોલીસ સાથે પી.જી.વી.સીએલની ટીમ અને વન વિભાગ પણ આ કાર્યવાહી દરમિયાન સાથે હોવાનું સ્થાનિકોનો આરોપ છે. શેમરડી ગામની લાઈટો કાપી નાખતા ગામમાં હાલ અંધારપટ છે.
#Amreli ના ધારીના શેમરડી ગામમાં પોલીસે તોડફોડ કર્યાનો આક્ષેપ
શેમરડીના ઘરોમાં તોડફોડ કર્યાનો ગામલોકોનો આક્ષેપ
TV ફ્રીજ પાણીની મોટર માલ મિલકતને નુકસાન કર્યાનો આક્ષેપ
પોલીસ સાથે PGVCL અને વનવિભાગનું તંત્ર પણ હતું સાથે
શેમરડી ગામની લાઈટો કાપી નાખતા ગામમાં અંધારપટ pic.twitter.com/L16mkpCXox
તો આ તરફ અમરેલી જિલ્લામાં પોલીસકર્મીઓ અને ગ્રામજનો વચ્ચે હવે છુટ્ટાહાથની મારામારીના દ્રશ્યો સામે આવ્યા છે. ગઈકાલે ધારીના શેમરડી ગામના રહીશોએ પોલીસકર્મી પર હુમલો કર્યો હતો જે બાદ 5 જેટલા અજાણ્યા શખ્સો ઘટના સ્થળ પરથી ફરાર થઈ ગયા હતા. જે બાદ આજ રોજ પોલીસે કેટલામાં ઘરમાં ઘુસી જઈને તોડફોડ કરી હોવાનો સ્થાનિકો આરોપ લગાવી રહ્યા છે.
અમરેલી જિલ્લાના ધારાના શેમરડી ગામમાં પોલીસે ઘરમાં ઘુસીને તોડફોડ કરી હોવાનો ગ્રામજનોએ આક્ષેપ લગાવ્યો હતો. આ ઘટનાના કેટલાક દ્રશ્યો સામે આવ્યા હતા જેમાં પોલીસ દ્વારા ઘરની બહાર પાર્ક કરાયેલ કારના કાચ તોડી નાંખ્યા હોવાનું તથા ઘરવખરીને પણ નુકસાન પહોંચાડ્યું હોવાનું સ્પષ્ટ થાય છે.