અમરેલી જિલ્લામાં એવા અનેક પ્રગતિશીલ ખેડૂતો છે કે જેણે ખેતીમાં કંઈકને કંઈક નવું સંશોધન નવા પ્રયોગો કરી કરોડોની કમાણી કરવા પ્રયાસ હાથ ધર્યો છે. ત્યારે અમરેલી જિલ્લાના ઈંગોરાળા ગામના એક ઔદ્યોગિક ક્ષેત્રે કામ કરતા ખેડૂતે ડ્રેગન ફ્રુટની ખેતી કરી કરોડો કમાઈ રહ્યા છે.
અમરેલીના ખેડૂતોએ ડ્રેગન ફ્રુટ ખેતી શરૂ કરી
ખેડૂતે ડ્રેગન ફ્રુટની ખેતી કરી કરોડો કમાયા
શારીરિક ઇમ્યુનિટીમાં પણ વધારો કરે
કુદરતને ખોળે શુદ્ધ વાતાવરણમાં અતિ રળિયામણી દેખાતી આ વાડી ઇંગોરાળાના એક પ્રગતિશીલ ખેડુતની છે. આ વાડીની અંદર તેમણે ડ્રેગન ફ્રુટ ખેતી શરૂ કરી છે. આ ડ્રેગન ફ્રુટને જોવા અને ખરીદવા અનેક લોકો તો આવી રહ્યા છે. પરંતુ ડૉક્ટરો પણ આવી રહ્યા છે. આ ડ્રેગન ફ્રુટ ફક્ત ચોમાસાના ચાર મહિનામાં જ સારો એવો પાક આવે છે અને ઉત્પાદન આવે છે.
ચોમાસાની ભરપૂર સિઝનમાં પ્રકૃતિ ખૂબ જ ખીલી ઉઠી છે. ડ્રેગન ફ્રુટ તેની સુંદરતામાં અને નજારામાં વધારો કરવા મેઘધનુષ પણ ખીલી ઉઠ્યું છે. ત્યારે આવા શુદ્ધ અને પ્રકૃતિ ખીલી ઉઠી હોય તેવા વાતાવરણમાં બહારથી આવતા લોકોએ તેમનો આનંદ માણ્યો હતો.
200 રૂપિયા સુધીના ભાવો ઘરે બેઠા મળી જાય છે
ઉદ્યોગ ક્ષેત્રે કામ કરી રહેલા અશ્વિનભાઈ ડ્રેગન ફ્રુટની ખેતી શરૂ કરી પોતાના વતન ઇંગોરાળામા પોતાની 15 વીઘા જમીનમાં 4 હજાર જેટલા સેકન્ડ રોપાવોને ઉછેર્યા ઉત્પાદનની વાત કરીએ તો એક રોપડામાં એક સિઝનમાં 50 કિલોનું ઉત્પાદન થાય છે. જે એક સિઝનના બે લાખ કિલો જેટલું ઉત્પાદન મળે છે અને ભાવની દૃષ્ટિએ વાત કરીએ તો 150 રૂપિયાથી 200 રૂપિયા સુધીના ભાવો તેમને અહીં બેઠા જ મળી જાય છે જે બેથી અઢી કરોડ રૂપિયાનું ફક્ત ચાર માસમાં જ કમાણી કરી આવક કરી શકાય છે. આને ગુજરાત બહાર ઓર્ડર ઉપર અહીંથી જ પેકિંગ કરી અને આ ફળ મોકલવામાં આવે છે.
શારીરિક ઇમ્યુનિટીમાં પણ વધારો કરે
અતિસુંદર અને આકર્ષક દેખાતું અને તમામને જોઈને જ ખાવાનું મન થાય એવું આ ડ્રેગન ફ્રુટ મૂળ કેરલ રાજ્યમાં થાય છે. પરંતુ મારે તો છેલ્લા એકાદ બે વર્ષથી અમરેલી જિલ્લામાં સારું એવું વાવેતર થઇ રહ્યું છે. ડ્રેગન ફ્રુટનું મહત્વ ખોરાકમાં ખુબ જ અનોખું છે, લોહીના ટકા વધે છે, એક પ્રકારની શારીરિક ઇમ્યુનિટીમાં પણ વધારો કરે છે. ખાવામાં ખૂબ જ ટેસ્ટી અને સ્વાદિષ્ટ છે.