પાકને નુકશાન / અમરેલી, ધારી, ડાંગ અને બોટાદમાં વાતાવરણમાં પલ્ટો, બરફનાં કરા સાથે વરસાદ પડતા ખેડૂતો વધુ ચિંતિંત બન્યા

• રાજ્યમાં માવઠાંથી ખેડૂતો ચિંતિત
• કેસર કેરીના પાકને નુકસાનીની ભીતિ
• અનેક વિસ્તારોમાં કમોસમી વરસાદ

રાજ્યમાં કમોસમી વરસાદને લઇ હવામાન વિભાગ દ્વારા આગાહી કરવામાં આવી હતી.જેને લઇ સૌરાષ્ટ્રના ગીર પંથકના વાતાવરણમાં પલટો આવ્યો હતો.જેમાં અમરેલી જીલ્લામાં ફરી કમોસમી વરસાદ પડતાની સાથે ખેડૂતોની ચિંતામાં વધારો થયો છે.ધારી ગીરના ગામડા બાદ અમરેલીમાં કમોસમી વરસાદ થયો છે. ખાંભા, સાવરકુંડલા પંથકમાં વાદળો ઘેરાતા ગ્રામ્ય વિસ્તારોમાં કમોસમી વરસાદ થવાની સક્યાત વર્તાઇ રહી છે.  બોટાદ જિલ્લાના વાતાવરણમાં  પલટો આવ્યો હતો. ગઢડા શહેર સહિત ગ્રામ્ય વિસ્તારમાં કરા સાથે વરસાદ વરસ્યો હતો. ભારે પવન અને ગાજવીજ સાથે કમોસમી વરસાદ વરસતા ખેડૂતોની ચિંતામાં વધારો થવા પામ્યો છે. ત્યારે પડવદર, સમઢીયાળા, સીતાપર સહિતના ગામોમાં કરા પણ પડ્યા  હતા.

ક્યાં કયાં વિસ્તારમાં કમોસમી વરસાદ વરસ્યો
ધારી અને ગીરના વિસ્તારોમાં ભર ઉનાળે  વીજળીના કડાકા સાથે ધોધમાર વરસાદ વરસ્યો હતો. સરસીયા,સૂખપુર,ક્રાંગસા,ગોવિંદપૂર, દલખાણીયા,મીઠાપુરમાં કમોસમી વરસાદ થયો. તો એક બાજુ ગીર સોમનાથના વાતાવરણમાં પલટો આવ્યો છે. 

ક્યાં ક્યાં પાકમાં નુકશાનની ભીંતી
ગઢડા સહિત ગ્રામ્ય વિસ્તારમાં કમોસમી વરસાદ થતા  કેસર કેરી, ઘઉં અને ચણાના પાકમાં નુકસાન થવાની ખેડૂતોને ભીતિ સેવાઇ રહી છે. તો આ બાજુ હવામાન વિભાગની આગાહીને પગલે ડાંગના વાાતાવરણમાં પવન સાથે વરસાદ વરસ્યો હતો.

ડાંગ પંથકમાં પણ ભારે વરસાદ
સાપુતારામાં ભારે પવન અને ગાજવીજ સાથે વરસાદ થતા જગદગુરૂ નરેંદ્રાચાર્યજીના પાદુક દર્શન કાર્યક્રમ માટે બાંધેલો મંડપ ઉડ્યો હતા. ડાંગમાં છેલ્લા કેટલાક દિવસથી ગાજવીજ અને વાવાઝોડા સાથે વરસાદ થતા બાગાયતી પાક, ડુંગળી, શાકભાજી, સ્ટ્રોબેરીને નુકસાનની ભીતિ ખેડૂતોમાં સેવાઇ રહી છે.