રાજનીતિ / પરેશ ધાનાણીના ગઢમાં ગાબડું, તાલુકા પ્રમુખ સહિત 60 કાર્યકરોએ કર્યા કેસરિયા

ઉલ્લેખનીય છે કે, ધારી માર્કેટીંગ યાર્ડ ખાતે ભાજપ દ્વારા ટિફિન બેઠકનું ખાસ આયોજન કરવામાં આવ્યું હતું. આ બેઠકમાં ભાજપના વરિષ્ઠ નેતા પરષોતમ રૂપાલા અને મંત્રી ધર્મેન્દ્રસિંહ જાડેજા ખાસ હાજર રહ્યા હતા. ત્યારે ધારી તાલુકા કોંગ્રેસ પ્રમુખ પરેશ પટણી સહિત 60 કાર્યકરોએ કોંગ્રેસ સાથે છેડો ફાડીને કેસરિયા કર્યા હતા. 

નોંધનીય છે કે, છેલ્લા કેટલાક સમયગાળાથી વિવિધ રાજકીય પક્ષો દ્વારા તોડજોડની રાજનીતિ ચાલી રહી છે. ખાસ કરીને ગુજરાતમાં સત્તાધારી પક્ષનું પ્રભુત્વ છે અને કોંગ્રેસમાંથી વિવિધ નેતાઓ અને કાર્યકરો ભાજપમાં જોડાઇ રહ્યા છે ત્યારે આજે કોંગ્રેસના 60 કાર્યકરોએ પક્ષને આખરી સલામ કર્યું હતું.