આફત / લૉકડાઉનમાં છૂટછાટ આપીને હવે PM મોદી અન્ય એક ખતરા સામે લડવાની તૈયારીમાં લાગ્યા

• 'અમ્ફાન' વાવાઝોડાએ વિકારાળ સ્વરૂપ ધારણ કર્યું 
• પ્રધાનમંત્રી મોદીએ બોલાવી ખાસ બેઠક

PMOએ એક નિવેદનમાં જણાવ્યું છે કે પ્રધાનમંત્રી મોદીએ રાષ્ટ્રીય ડિઝાસ્ટર રિસ્પોન્સ ફોર્સ (NDRF) દ્વારા કરવામાં આવેલી તૈયારીઓ, લોકોને સલામત સ્થળોએ ખસેડવાની વ્યવસ્થાની સમીક્ષા કરી હતી. ગૃહ મંત્રાલય અને રાષ્ટ્રીય ડિઝાસ્ટર મેનેજમેન્ટ ઓથોરિટી (એનડીએમએ) ના અધિકારીઓ સાથે વડા પ્રધાનની બેઠક સાંજના 4 વાગ્યે શરૂ થઈ, જે એક કલાકથી વધુ સમય ચાલી હતી. 

અમિત શાહ રહ્યા બેઠકમાં ખાસ હાજર 

તેમાં ગૃહમંત્રી અમિત શાહ પણ ખાસ હાજર હતા. સરકારે પશ્ચિમ બંગાળ અને ઓડિશા સરકારોને જાહેર કરેલી સલાહમાં જણાવ્યું છે કે 'અમ્ફાન' સોમવારે સવારે દક્ષિણ બંગાળની ખાડીના મધ્ય ભાગો અને નજીકના મધ્ય બંગાળની ખાડી ઉપર હાજર છે.

Delhi: Prime Minister Narendra Modi holds meeting with Ministry of Home Affairs (MHA) & National Disaster Management Authority (NDMA) officials to review the situation arising out of #CycloneAmphan in different parts of the country. Home Minister Amit Shah also present. pic.twitter.com/cxR5rXbsGf

— ANI (@ANI) May 18, 2020

હવામાન વિભાગે કરી છે આગાહી 

કોલકાતાના હવામાન વિભાગે આંશકા દર્શાવી છે કે તોફાન 'અમ્ફાન' રવિવારે બંગાળની ખાડીના ઉપર ચક્રવાતી તોફાનમાં બદલાઇ ગયું છે. તેના કારણે ઓરિસ્સા અને પ.બંગાળના કેટલાય દરિયાકિનારાના જિલ્લાઓમાં ઝડપી હવાઓ સાથે ભારે વરસાદ પડી શકે છે. 

આગામી 24 કલાકમાં આગળ વધશે વાવાઝોડું

આ તોફાનનું કેન્દ્ર ઓરિસ્સાના પારાદીપથી 980 કિલોમીટર દક્ષિણમાં, પશ્ચિમ બંગાળના દીધાથી 1130 કિલોમીટર દક્ષિણ-દક્ષિણ પશ્ચિમમાં અને બાંગ્લાદેશના ખેપૂપારાથી 1250 કિલોમીટર દૂર દક્ષિણ-દક્ષિણ પશ્ચિમમાં સ્થિત છે. તોફાન 'અમ્ફાન' આવનારા 12 કલાકમાં વિકરાળ તોફાનમાં બદલાઇ શકે છે અને હવે પછીના 24 કલાકમાં ધીરે-ધીરે ઉત્તર તરફ આગળ વધી શકે છે. 

ભૂવનેશ્વરમાં હવામાન વિભાગના ડિરેક્ટર એચ આર વિશ્વાસ અનુસાર તોફાન 'અમ્ફાન' 20 મેની બપોરે અને સાંજ પહેલા પશ્ચિમ બંગાળમાં સાગર દ્વીપસમૂહ અને બાંગ્લાદેશના હતિયા દ્વીપસમૂહ અને બાંગ્લાદેશના હતિયા દ્વીપસમૂહ વચ્ચે પ.બંગાળ-બાંગ્લાદેશના દરિયાકિનારાના વિસ્તાર પાસેથી પસાર થઇ શકે છે.