ભારતીય બજારમાં ઈલેક્ટ્રિક સ્કૂટર સેગ્મેન્ટમાં Ampere Reo Eliteએ એન્ટ્રી મારી લીધી છે. આ સ્કૂટર એકદમ આકર્ષક લુક સાથે બેસ્ટ ડાઈવિંગ રેન્જ જેવી સુવિધા આપશે. તેની શરૂઆતની કિંમત માત્ર 45,099 રૂપિયા છે.
Ampere Reo Eliteની ભારતીય બજારમાં એન્ટ્રી
Ampere સિંગલ ચાર્જમાં 60 કિમીનું અંતર કાપશે
Ampere Reo Elite શરૂઆતની કિંમત માત્ર 45,099 રૂપિયા છે.
કંપનીએ આ સ્કૂટર લોન્ચ કરવાની સાથે જ ગ્રાહકોને શાનદાર તક પણ આપી છે. જે ગ્રાહકો આ સ્કૂટર હમણાં બુક કરાવશે તેમને ફ્રીમાં હેલ્મેટ મળશે. જો તમે આ સ્કૂટરને બુક કરાવવા માગો છો તો તેની ઓફિશિયલ વેબસાઈટ પર જઈને 1,999 રૂપિયામાં બુક કરાવી શકો છો.
સ્કૂટરના ફીચર્સ
કંપનીએ નવી Ampere Reo Elite સ્કૂટરને સ્પોર્ટી લુક અને ડિઝાઈન આપી છે. તેના ફ્રંટમાં એડ્જી અને શોર્પ એપ્રોન આપવામાં આવ્યું છે. આ સિવાય સ્પોર્ટી હેડલાઈટ અને બૂમરેન્ગ શેપ ડેકલ્સ, આરામદાયક સીટ, બ્લેક ગ્રેબ રેલ અને એલોય વ્હીલ આપવામાં આવ્યું છે. આ સ્કૂટરમાં કંપનીએ બોલ્ડ સ્પીડોમીટક ડિસ્પ્લે, યૂએસબી ચાર્જિંગ પોર્ટ અને સીટની નીચે હેલ્મેટ રાખવા માટે શ્રેષ્ઠ સ્ટોરેજ સ્પેસ આપવામાં આવ્યું છે.
લાયસન્સની જરૂર નહીં પડે
આ સ્કૂટરની સૌથી ખાસ વાત એ છે કે તેને ડ્રાઈવ કરવા માટે તમારે રજિસ્ટ્રેશન અથવા ડ્રાઈવિંગ લાયસન્સની જરૂર નથી. કંપનીએ આ સ્કૂટરની સ્પીડ ફિક્સ રાખી છે. આ સ્કૂટર મહત્તમ 25 કિમી પ્રતિ કલાકની સ્પીડ આપશે.
ફુલ ચાર્જ થવામાં 8 કલાકનો સમય લાગે છે
Ampere Reo Eliteમાં કંપની 250 વોટની ક્ષમતાનું BLDC ઈલેક્ટ્રિક મોટરનો ઉપયોગ કરાયો છે. જે ડ્રાઈવિંગ સ્ટાઈલ મુજબ 55થી 60 કિમીનું અંતર કાપશે. તેમાં 48વી અને 20 એએચની લીડ એસિડ બેટરી યૂનિટનો ઉપયોગ કરવામાં આવ્યો છે. ફુલ ચાર્જ થવામાં 8 કલાકનો સમય લાગે છે. આ સ્કૂટર રેડ, બ્લૂ, બ્લેક અને વ્હાઈટ કલરમાં ઉપલબ્ધ છે. આ સ્કૂટર ભારતીય બજારમાં Hero Electric અને Okinawa જેવા સ્કૂટરોને ટક્કર આપશે.