કોરોના વાયરસ / દેશના 18 રાજ્યોમાં બ્લેક ફંગસનો પગ પેસારો, ગુજરાત સહિત આ રાજ્યમાં સૌથી વધુ કેસ

•  સૌથી વધારે મામલા ગુજરાત અને મહારાષ્ટ્રના
• બ્લેક ફંગસના 5424 મામલા
• સતત 8માં દિવસે દર્દીની સંખ્યા ઘટી

 સૌથી વધારે મામલા ગુજરાત અને મહારાષ્ટ્રના

જેમાંથી સૌથી વધારે મામલા ગુજરાત અને મહારાષ્ટ્રના છે. આ જાણકારી કેન્દ્રીય સ્વાસ્થ્ય મંત્રી હર્ષવર્ધને સોમવારે આપી છે. તેમણે જણાવ્યુ કે એમ્ફોટેરિસિન બી ઈન્જેક્શનના 9 લાખ ડોઝ કેન્દ્ર સરકારે બ્લેક ફંગસની સારવાર કરવા માટે આયાત કર્યા છે. જેમાંથી 50 હજાર ડોઝ મેળવી ચૂક્યા છે અને વધુ 3 લાખ ડોઝ આવનારા 7 દિવસમાં મળી જશે.

બ્લેક ફંગસના 5424 મામલા

તેમણે જણાવ્યુ કે બ્લેક ફંગસના 5424 મામલામાં 4556 દર્દી પહેલા કોરોના સંક્રમિત થઈ ચૂક્યા હતા. જ્યારે 875 દર્દી  એવા છે જેમને કોરોનાની બિમારી નથી થઈ. ત્યારે 55 ટકા દર્દીને ડાયબિટીશની બિમારી છે. મંત્રીએ જણાવ્યુ કે 19 રાજ્યોમાં પહેલાથી બ્લેક ફંગસને મહામારી અધિનિયમ અંતર્ગત અધિસૂચિત બિમારી જાહેર કરાઈ ચૂકી છે. આ અંતર્ગત આવા મામલાની જાણકારી સરકારી અધિકારીઓને આપવાની રહેશે.

ધીરે ધીરે સુધરી રહી છે સ્થિતિ

અનુવાંશિકી અનુક્રમણ અંગે વર્ધને કહ્યુ કે 25, 739 નમૂનાને જીનોમ અનુક્રમણ કરવામાં આવ્યુ જેમાંથી 5261માં વાયરસના બી.1.617 પ્રકારની ખબર પડી. કોરોના મહામારીને રોકવા માટે ભારત દ્વારા કરવામાં આવી રહેલા પ્રયાસોની જાણકારી આપતા વર્ધને જણાવ્યુ કે સતત 11માં દિવસે જ્યારે નવા કેસની સરખામણીએ સાજા થનારાની સંખ્યા વધારે છે.

સતત 8માં દિવસે દર્દીની સંખ્યા ઘટી

તેમણે જણાવ્યુ તે આજે સતત 8માં દિવસે નવા દર્દીની સંખ્યા 3 લાખથી ઓછી આવી છે જે પોઝિટીવ સંકેત છે. મંત્રીએ કહ્યુ કે આ સમયે દેશમાં એક્ટિવ કેસની સંખ્યા 27 લાખ છે. જે કેટલાક અઠવાડિયા પહેલા 37 લાખ હતી. હર્ષવર્ધને કહ્યુ કે અત્યાર સુધી દેશવાસીઓના રસીકરણના 19.6 કરોડ ડોઝ અપાઈ ચૂક્યા છે. રાજ્યોની પાસે પણ60 લાખ ડોઝ હાજર છે. 21 લાખ ડોઝ પુરા પાડવાની પ્રક્રિયા ચાલુ છે. તેમણે રેખાંકિત કર્યુ કે કેન્દ્ર સરકાર પહેલા રેમેડેસિવિરના 70 લાખ ડોઝ અને 45735 વેન્ટિલેટર રાજ્યો એને કેન્દ્ર શાસિત પ્રદેશોને સોંપી ચૂકી છે.