ગયા સોમવારથી તૌકતે તોફાનના કારણે લોકો ચિંતામાં આવ્યા હતા. મહારાષ્ટ્રથી થઇને આ વાવાઝોડું ગુજરાતમાં પ્રવેશ્યુ હતુ. તેવામાં અમિતાભ બચ્ચનની ઓફીસને પણ નુકસાન પહોંચ્યું છે.
તોફાનના કારણે મુંબઇમાં ફાસ્ટ પવન ફૂંકાયો હતો. ભયંકર નજારા તમે સોશ્યલ મિડીયામાં જોયા જ હશે. તોફાનના કારણે ઘણા લોકોને નુકસાન ઉઠાવવુ પડ્યુ છે. સદીના મહાનાયક પણ તેમાં બાકી નથી રહી ગયા. તેમની ઓફીસમાં પણ નુકસાન થયુ છે.
અમિતાભ બચ્ચને આ વાતની માહીતી પોતાના બ્લોગમાં આપી હચીય એક્ટરે પોતાના બ્લોગમાં જણાવ્યું કે સાઇક્લોનના કારણે તેમની ઓફીસમા દરેક જગ્યાએ પાણી ભરાઇ ગયુ છે. તે સિવાય તેમની ઓફીસના શેલ્ટર પણ તૂટી ગયા છે.
તૌકતેના કારણે અહીં સન્નાટો છવાઇ ગયો છે. આખો દિવસ વરસાદ વરસ્યો અને મુંબઇમાં ઘણી બધી જગ્યાઓએ ઝાડ પણ પડી ગયા હતા. ઓફીસ જનકમાં પાણી ભરાઇ ગયુ અને ભારે વરસાદના કારણે પ્લાસ્ટિકકવર શીટ પણ ફાટી ગઇ હતી. સ્ટાફ માટે બનાવેલા શેડ અને શેલ્ટર પણ ઉડી ગયા હતા.
વધુમાં સ્ટાફ વિશે કહેતા અમિતાભે કહ્યું કે, સાચુ કહુ તો કમાલનો સ્ટાફ છે. ભીના કપડામાં પણ તે કામ કરી રહ્યાં છે અને મેં જાતે મારા વોર્ડરોબમાંથી કપડા કાઢીને આપ્યા કારણકે તે કપડા બદલી શકે અને કામ કરી શકે. કેટલાક લોકોને કપડા ઢીલા તો કેટલાકને ફીટ પડ્યા હતા.
અત્યારે દેશભરમાં 18 વર્ષથી વધુ ઉંમરના લોકો માટે વેક્સીનેશન શરૂ કરી દેવાયું છે. સ્ટાર્સ પણ વેક્સીન લઈ રહ્યાં છે, જેથી કોરોનાથી બચી શકે. હાલમાં જ બિગ બીએ તેમનો બીજો ડોઝ લીધો અને સોશિયલ મીડિયા પર તેની જાણકારી આપી અને તસવીર શેર કરી. આ સાથે જ તેમણે તેમના ફેન્સની માફી પણ માંગી. હવે આ પોસ્ટ જોયા બાદ ફેન્સ તેમનું હાસ્ય રોકી નથી શકી રહ્યાં.
અમિતાભ બચ્ચન સોશિયલ મીડિયા પર ખૂબ જ એક્ટિવ છે. કોરોના રસીનો બીજો ડોઝ લીધા પછી તેમણે પોતાની એક તસવીર શેર કરી છે. આ તસવીરની સાથે તેમણે એક મજેદાર કેપ્શન પણ લખ્યું છે, બીજો પણ થઈ ગયો. કોવિડવાળો, ક્રિકેટ વાળો નહીં. હસવાવાળા ઇમોજી સાથે તેમણે આગળ લખ્યું-સોરી, સોરી આ ખૂબ ખરાબ હતું.
અમિતાભની આ પોસ્ટ વાંચ્યા પછી લોકો તેમનું હાસ્ય રોકી શકતા નથી. લોકો તેમને પૂછી રહ્યાં છે કે તેઓ રાત્રે ત્રણ વાગ્યે પોસ્ટ કેમ શેર કરે છે. સાથે જ કેટલાક એવા પણ છે જેમણે કહ્યું કે તમે બંને ડોઝ લઈ લીધા અમને તો હજી સુધી એક પણ નથી મળ્યો.