અમિતાભ બચ્ચન અને અભિષેક બચ્ચને શીતલ જૈનની અર્થીને કાંધ આપી હતી. અમિતાભ બચ્ચનની સફળતા પાછળ શીતલ જૈનનો બહુ મોટો હાથ છે. બિગ બીએ પોતાના સેક્રેટરીને યાદ કરતા એક ઇમોશનલ બ્લોગ પોસ્ટ શૅર કર્યો છે.
અમિતાભ બચ્ચને લખ્યુ કે, ''તેમણે મારા કામનો ભાર લગભગ 40 વર્ષ સુધી ઉઠાવ્યો, એક સજ્જન, મહેનતી, વિન્રમ અને ઇમાનદાર વ્યકિત. હું તેમણે તેમની અંતિમ યાત્રા સુધી લઇ ગયો. શીતલ જૈન મારે પાતળાથી જાડા થવા સુધીની સફર જોઇ છે. હોસ્પિટલમાં બિમારીઓથી નાની પરંતુ ગંભીર લડાઇ પછી, આ 40 વર્ષો દરમિયાન તેમની મદદથી, પરિવારના એક સભ્ય તરીકે, કામ પ્રતિ તેમના સમર્પણ, તેમના શાંત સ્વભાવના કારણે તેમાં ઘણા પ્રશંસકો મળ્યો અને તેમના સંપર્કમાં આવ્યા.''
બિગ બીએ આગળ લખ્યુ કે, ''તેઓ અંદરથી ખૂબ જ ઇમોશનલ હતા અને પરિવારના વિષયમાં કોઇ પણ ખોટી વાત નહતી સાંભળી શકતા. તેઓ મારું કામ કરતા રહ્યા, આ વાત તેમણે દુનિયા સામે બતાવવાનો પ્રયત્ન પણ ના કરો, તેમની યોજનાથી મારું શેડ્યૂલ સરળ બન્યુ, પ્રોડ્યુસર્સની સાથે ફિલ્મો માટે મહત્વપૂર્ણ બેઠકો કરી. તે એક સામાન્ય વ્યકિત હતા, પરંતુ તેમણે જેટલું પણ કર્યુ તેમના માટે આભાર. મારા કામ અને ઑફિસમાં ખાલીપણું આવી ગયુ છે.'
ઉલ્લેખનીય છે કે, અમિતાભ બચ્ચને ફિલ્મી સફરની શરૂઆત કરી ત્યારે શીતલ જૈન તેમની સાથે જ હતા. શીતલ જૈને વાસુ ભગનાની સાથે મળીને બિગ બીની ફિલ્મ 'બડે મિયા છોટે મિયા' પ્રોડ્યુસર કરી હતી. જ્યારે ડેવિડ ધવન આ ફિલ્મને ડિરેક્ટર કરી. આ ફિલ્મમાં અમિતાભ ઉપરાંત ગોવિંદા, પરેશ રાવલ, રવિના ટંડન, સતીશ કૌશિક અને અસરાની હતા. આ ફિલ્મ 1998માં રિલીઝ થઇ હતી.