અમિતાભ બચ્ચન સોશિયલ મીડિયા પર ખૂબ જ એક્ટિવ રહે છે અને દિલ ખોલીને પોતાની વાત કહેતા જોવા મળે છે. અમિતાભ બચ્ચને 'કૌન બનેગા કરોડપતિ 12'ના છેલ્લા એપિસોડનું શૂટિંગ પૂર્ણ કરી લીધું છે. બિગ બીએ પોતાના બ્લોગમાં આ શોના છેલ્લા તબક્કાની શૂટિંગનો ઉલ્લેખ કર્યો છે અને આ સાથે તેમણે તેમની નિવૃત્તિ વિશે પણ કહ્યું છે.
અમિતાભ બચ્ચન સોશિયલ મીડિયા પર ખૂબ જ એક્ટિવ રહે છે
અમિતાભ બચ્ચને 'કૌન બનેગા કરોડપતિ 12'ના છેલ્લા એપિસોડનું શૂટિંગ પૂર્ણ કરી લીધું છે
બિગ બીએ કહ્યું-હું હવે થાકી ગયો છું અને નિવૃત્ત થઈ ગયો છું
અમિતાભ બચ્ચને પોતાના બ્લોગમાં નિવૃત્તિનો ઉલ્લેખ કરતા લખ્યું કે, 'હું હવે થાકી ગયો છું અને નિવૃત્ત થઈ ગયો છું... હું માફી માંગુ છું કે તમારા બધાંથી... કૌન બનેગા કરોડપતિની શૂટિંગનો આ છેલ્લો દિવસ ખૂબ જ લાંબો હતો... કદાચ આવતીકાલે હું વધુ સારો હોઈ શકીશ, પણ યાદ રાખજો... કામ કામ છે અને તેને પૂર્ણ નિષ્ઠા સાથે કરવું જોઈએ.
અમિતાભે પોતાના બ્લોગમાં એમ પણ કહ્યું છે કે સેટ પર છેલ્લો દિવસ કેવી રીતે પસાર થયો. તેમણે લખ્યું છે, 'જે પ્રેમ અને સ્નેહ મળ્યો તે શૂટિંગના અંતિમ દિવસે વિદાય આપે છે...બધાં ભેગાં થયા...પ્રેમ તો ક્યારેય રોકાવાનો નથી પરંતુ આગળ વધતા રહેવું છે... મને આશા છે કે તે જલ્દીથી ફરી થાય... ક્રૂ અને ટીમ ખૂબ જ કેરિંગ અને હાર્ડ વર્કિંગ હતી... આખી ટીમ એક સાથે મળીને ઘણાં મહિનાઓ સુધી કામ કર્યું એની સારી યાદો છે.
તેમણે કહ્યું કે સેટ પર પ્રેમ, સંભાળ, સ્નેહ અને ગિફ્ટ્સ અને પ્રશંસાની આપલે કરવામાં આવી હતી અને તે આખી ટીમની તરફથી ખૂબ જ સુંદર જેશ્ચર રહ્યું... આગળ વધતા રહીએ છીએ અને આંસુ નીકળતા રહે છે...પણ એક આવતીકાલ નવો દિવસ લાવે છે.
તમને જણાવી દઈએ કે બિગ બીએ ગયા વર્ષે કોવિડથી સાજા થયા પછી 'કેબીસી 12'ની શૂટિંગ શરૂ કરી હતી. તેમને કોવિડ-19નો સંક્રમણ લાગ્યા બાદ ઘણાં દિવસો સુધી નાણાવટી હોસ્પિટલમાં દાખલ કરવામાં આવ્યા હતા. અમિતાભ સહિત દિકરો અભિષેક, પુત્રવધૂ ઐશ્વર્યા અને પૌત્રી આરાધ્યાને પણ કોરોનાનો ચેપ લાગ્યો હતો.
તમને જણાવી દઈએ કે, બિગ બી અત્યારે કૌન બનેગા કરોડપતિની 12મી સિઝનની શૂટિંગ હવે પૂર્ણ કરી દીધી છે. આ સિવાય અમિતાભ બચ્ચનના વર્કફ્રંટની વાત કરીએ તો થોડાં સમય પહેલાં જ તેમની ફિલ્મ ગુલાબો-સિતાબો આયુષ્માન ખુરાના સાથે રિલીઝ થઈ હતી. તેમની આગામી ફિલ્મોમાં બ્રહ્માસ્ત્ર, ચહેરે અને ઝુંડ છે. આ ફિલ્મોમાં તેઓ અલગ અલગ પાત્ર ભજવતા જોવા મળશે.