રણબીર અને આલિયાને બી-ટાઉન સેલિબ્રિટીઝ તરફથી અભિનંદન સંદેશ મળવા લાગ્યા છે. આ ક્રમમાં અમિતાભ બચ્ચને પણ આ કપલને ખાસ રીતે શુભકામનાઓ પાઠવી છે.
આજે લગ્ન કરશે રણબીર-આલિયા
અમિતાભ બચ્ચને કપલને આપી શુભકામનાઓ
જાણો વીડિયો શેર કરીને શું કહ્યું
રણબીર કપૂર અને આલિયા ભટ્ટના લગ્નના ફંક્શન શરૂ થઈ ગયા છે. મીડિયા રિપોર્ટ્સ અનુસાર ગઈકાલે એટલે કે 13 એપ્રિલે રણબીર અને આલિયાની હલ્દી સેરેમની હતી અને લગ્ન 14 એપ્રિલે છે. આ ખાસ પ્રસંગે નજીકના સંબંધીઓ અને મિત્રો હાજર રહ્યા હતા.
તમને જણાવી દઈએ કે હલ્દી સેરેમની દરમિયાન રણબીરની માતા નીતુ કપૂર, બહેન રિદ્ધિમા કપૂર, પૂજા ભટ્ટ, અયાન મુખર્જી, મહેશ ભટ્ટ, કરીના કપૂર ખાન, આધાર જૈન અને કરિશ્મા કપૂર હાજર રહ્યા હતા. દરમિયાન રણબીર અને આલિયાને પણ બી-ટાઉન સેલિબ્રિટીઝ તરફથી શુભકામનાઓ મળવાનું શરૂ થઈ ગયું છે. આ ક્રમમાં સૌથી પહેલા નામ આવે છે અમિતાભ બચ્ચનું. તેમણે આ જોડીને ખાસ રીતે અભિનંદન પાઠવ્યા છે.
અમિતાભ બચ્ચને ઈન્સ્ટાગ્રામ પર શેર કરી પોસ્ટ
અમિતાભ બચ્ચને ઈન્સ્ટાગ્રામ પોસ્ટ દ્વારા રણબીર કપૂર અને આલિયા ભટ્ટને લગ્નની શુભકામનાઓ પાઠવી છે. અમિતાભે આગામી ફિલ્મ 'બ્રહ્માસ્ત્ર'ના રોમેન્ટિક ગીત 'કેસરિયા'નો ટીઝર વીડિયો શેર કર્યો છે. આ ગીત રણબીર અને આલિયા પર જ શૂટ કરવામાં આવ્યું છે.
ગીતની સાથે શેર કર્યું છે એક કેપ્શન
આ ગીતની સાથે અમિતાભ બચ્ચને એક કેપ્શન પણ લખ્યું છે જેમાં તેમણે લખ્યું છે કે, 'અમારી ઈશા અને શિવ ટૂંક સમયમાં એક ખાસ સફર શરૂ કરવા જઈ રહ્યા છે. બંનેને ખૂબ પ્રેમ, લક અને લાઈટ. ટીમ બ્રહ્માસ્ત્ર તરફથી આ ખાસ ભેટ સાથે સેબિબ્રેશનની શરૂઆત કરીએ.
તમને જણાવી દઈએ કે રણબીર અને આલિયાના લગ્ન ડિસેમ્બર 2020માં જ થવાના હતા પરંતુ દેશભરમાં વધી રહેલા કોરોના સંક્રમણને કારણે તેને સ્થગિત કરી દેવામાં આવ્યા હતા. રણબીરે પોતે એક વખત એક ઈન્ટરવ્યુમાં કહ્યું હતું કે જો કોરોના ન હોત તો તેણે અત્યાર સુધીમાં આલિયા સાથે લગ્ન કરી લીધા હોત.