IPLIN
 

બોલિવૂડ / અમિતાભ બચ્ચને કરી મોટી જાહેરાત, ગ્રીન રિબન લગાવી કહ્યું મેં આ શપથ લીધી છે

Team VTV 12:20 PM, 30 Sep 20
Follow us
amitabh bachchan tweet and announced to become organ donor

બોલિવૂડ સુપરસ્ટાર અમિતાભ બચ્ચન સોશિયલ મીડિયા પર ખૂબ જ એક્ટિવ રહે છે. આ સાથે જ બિગ બી ફેન્સ સાથે કંઈકને કંઈક શેર કરતા રહે છે. કોરોનાને કારણે થયેલાં લોકડાઉન દરમિયાન તેમણે મહારાષ્ટ્રમાં ફસાયેલા યુપીના સ્થળાંતર મજૂરોને વિમાન અને બસ દ્વારા સુરક્ષિત રીતે તેમના ઘરે પહોંચાડ્યા હતા. હવે બિગ બીએ એક મોટો નિર્ણય લઈને તેમના ઓર્ગન ડોનેટ કરવાની જાહેરાત કરી છે. સોશિયલ મીડિયા પર તેમણે આ વાતની જાણકારી આપી છે.

  • બિગ બી સોશિયલ મીડિયા પર રહે છે એક્ટિવ
  • હાલમાં જ બિગ બીએ લીધો મોટો નિર્ણય
  • પોતાના ઓર્ગન ડોનેટ કરવાની કરી જાહેરાત

બિગ બીએ એક ટ્વિટ કરીને પોતાની તસવીર શેર કરી છે. જેમાં તેમના કોટ પર એક ગ્રીન કલરની નાની રિબન જોવા મળી રહી છે. આ તસવીર શેર કરતા બિગ બીએ લખ્યું- હું ઓર્ગન ડોનર બનવાની શપથ લઉં છું. મૈં આ ગ્રીન રિબન એટલે જ પહેરી છે. 

બિગ બીએ આ ટ્વિટ કર્યા બાદ અનેક લોકોએ પોતે ઓર્ગન ડોનર બન્યા હોવાના સર્ટિફિકેટ શેર કર્યા અને જણાવ્યું કે એ લોકો કેવી રીતે ઓર્ગન ડોનેટ કરી ચૂક્યા છે. બિગ બીના કેટલાક ફેન્સ તેમની જેમ ઓર્ગન ડોનર બનવાની વાત પણ કહી રહ્યાં છે. 

વર્કફ્રન્ટની વાત કરીએ તો અમિતાભ બચ્ચન પાસે આ સમયે ઘણા ંપ્રોજેક્ટ્સ છે. આ દિવસોમાં તે કૌન બનેગા કરોડપતિની 12મી સીઝનનું હોસ્ટ કરી રહ્યાં છે. આ ઉપરાંત અમિતાભ અયાન મુખર્જીની ફિલ્મ બ્રહ્માસ્ત્રમાં પણ જોવા મળશે. આ ફિલ્મમાં તેમની સાથે રણબીર કપૂર, આલિયા ભટ્ટ અને મૌની રોય જોવા મળશે. આ ફિલ્મ ઉપરાંત તે નાગરાજ મંજુલેની ફિલ્મ ઝુંડમાં પણ કામ કરી રહ્યા છે. નાગરાજ સૈરાટ ફિલ્મથી ખૂબ જ ચર્ચામાં રહ્યો છે. આ ફિલ્મનો પહેલો લુક થોડા સમય પહેલા રિલીઝ થયો હતો.

tweet Amitabh Bachchan announced
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ