ફિલ્મ ઇન્ડસ્ટ્રીમાં એવા ઘણા સ્ટાર્સ છે જે પોતાની પહેલી ફિલ્મથી સુપર ફ્લોપ સાબિત થયા હોય પરંતુ તે પછી સફળતાથી સીડીઓ ચઢી હોય. આ સ્ટાર્સમાં બોલિવુડના 'મહાનાયક'થી 'ચોકલેટી બૉય' ના નામથી જાણીતા આ એક્ટર્સનો સમાવેશ થાય છે.
ખાસ વાત તો એવી છે કે એક એક્ટરે એક કે બે નહી પરંતુ સતત 12 ફિલ્મો ફ્લોપ આપી હોય, પરંતુ તે પછી જે સફળતા મળી છે ત્યારબાદ પાછળ ફરીને તેમણે જોયું નથી. ત્યાં સુધી કે આ એક્ટરને ફિલ્મ ઇન્ડસ્ટ્રીનો સૌથી મોટું સન્માન દાદાસાહેફ ફાળકેથી પણ સન્માનિત કરવામાં આવ્યા છે. જાણીએ આ સેલેબ્સ કોણ છે કે જેઓ આજે બોલિવુડમાં રાજ કરે છે.
અમિતાભ બચ્ચન:
આ યાદીમાં સૌથી પહેલા જો કોઇનું નામ આવે તો તે છે ફિલ્મ ઇન્ડસ્ટ્રીના મહાનાયક અમિતાભ બચ્ચનનું. બિગ બીએ તાજેતરમાં 77 વર્ષના થયા. બચ્ચન સાહેબની પહેલી ફિલ્મ 'સાત હિંદુસ્તાની' હતી જે વર્ષ 1969માં રિલીઝ થઇ. આ પછી તેમણે ઘણી ફિલ્મો જેવી કે 'પરવાના', 'પ્યાર કી કહાની', 'બોમ્બે ટૂ ગોવા', 'એક નઝર' કરી. આ તમામ ફિલ્મો બોક્સ ઑફિસ પર કોઇ ખાસ કમાલ ના દેખાડી શકે. આ પછી બિગ બીએ 'ઝંઝીર' થી સફળતા મેળવી. જોકે આ પહેલા તેમની 12 ફિલ્મો ફ્લોપ રહી.
સલમાન ખાન:
સલમાન ખાનને ફિલ્મ ઇન્ડસ્ટ્રીમાં 31 વર્ષ થઇ ચૂક્યા છે. આટલા લાંબા સમયમાં સલમાને લોકોની વચ્ચે પોતાની ખાસ જગ્યા બનાવી. ત્યાં સુધી કે સલમાનને લોકો દબંગ ખાન તરીકે બોલાવી રહ્યા છે. સલમાનની પહેલી ફિલ્મ 'બીવી હો તો એસી થી' જે 1988માં રિલીઝ થઇ. આ ફિલ્મમાં સલમાન સાઇડ રોલમાં હતો. ફિલ્મ તો ઠીકઠાક રહી પરંતુ સલમાન આ ફિલ્મમાં કંઇ ખાસ કમાલ ના કરી શક્યો. આ પછી 'મૈને પ્યાર કિયા' આવી જે સુપરહિટ રહી, જે પછી સલમાને ઓડિયન્સના દિલમાં ખાસ જગ્યા બનાવી.
અક્ષય કુમાર:
બોલિવુડના ખેલાડી કુમારે ફિલ્મ ઇન્ડસ્ટ્રીમાં 'સૌગંધ' ફિલ્મથી ડેબ્યૂ કર્યુ. આ ફિલ્મમો તો બોક્સ ઑફિસ પર કંઇ ખાસ ના કરી શકી પરંતુ અક્ષયને આ પછી ફિલ્મોમાં ઑફર મળી. આ ફિલ્મમાં અક્ષયની સાથે રાખી અને શાંતિપ્રિયા હતા. જ્યાં એક તફર અક્ષય સતત સફળતા મેળવી રહ્યો છે તો બીજી તરફ 'સૌગંધ' ની એક્ટ્રેસ શાંતિપ્રિયા લાઇમલાઇટથી દૂર છે.
રણબીર કપૂર:
'સાંવરિયા' થી ફિલ્મમાં વર્ષ 2007માં રણબીરે ડેબ્યૂ કર્યુ. આ ફિલ્મમાં રણબીરની સાથે સોનમ કપૂર હતી. સંજય લીલા ભણસાલીની આ ફિલ્મથી ઘણી આશા હતી પરંતુ બોક્સ ઑફિસ પર ફ્લોપ સાબિથ થિ. આ પછી રણબીરે 'બચના એ હસીના', 'વેક અપ સિડ', 'અજબ પ્રેમ કી ગજબ કહાની', 'રોકેટ સિંહ: સેલ્સમેન ઑફ ધ યર', ફિલ્મમાં જોવા મળ્યો. આ સિવાય 'રાજનીતિ' માં તેની એક્ટિંગ ખૂબ જ પસંદ કરવામાં આવી હતી. આ પછી 'રોકસ્ટાર', 'બર્ફી', 'સંજૂ' જેવી ફિલ્મો પછી રણબીર બોલિવુડ હિટ એક્ટર્સની યાદીમાં શામેલ થઇ ગયો છે.