કોરોના વાયરસને મ્હાત આપ્યા બાદ સદીના મહાનાયક અમિતાભ બચ્ચન ફરી સેટ પર પરત ફર્યા છે. તેમના પોપ્યુલર ટીવી શો કૌન બનેગા કરોડપતિનું શૂટિંગ શરૂ કરી દીધું છે. અમિતાભે શૂટિંગના સેટની તસવીર પણ શેર કરી છે. જેમાં ક્રૂ મેમ્બર્સ પીપીઈ કિટમાં જોવા મળી રહ્યા છે.
કોરોના સામે જંગ જીતી બિગ બીએ શરૂ કર્યું કામ
અમિતાભે શરૂ કર્યું કૌન બનેગા કરોડપતિ-12નું શૂટિંગ
સેટ પર દેખાઈ જબરદસ્ત સુરક્ષા
અમિતાભે ઇન્સ્ટાગ્રામ તસવીર શેર કરીને લખ્યું કે-કામ પર પરત ફરી રહ્યો છું. બ્લુ કલરની પીપીઈ કિટના દરિયામાં...કેબીસી 12..2000થી શરું થયું હતું...આજે વર્ષ 2020માં 20 વર્ષ પૂરા....શાનદાર...જીવનનો લાંબો સફર. આ પહેલાં પણ બિગ બીએ ટ્વિટ કરીને તેમના કામની શરૂઆત વિશે જણાવ્યું હતું.
તમને જણાવી દઈએ કે, લોકડાઉન દરમિયાન જ્યારે ફિલ્મો અને ટીવી શોનું શૂટિંગ બંધ થઈ ગયું હતું, ત્યારથી સેલેબ્સ ઘરેથી શૂટિંગ કરી રહ્યાં હતા. બિગ બીએ કેબીસી-12 માટે ઘરેથી શૂટિંગ કર્યું હતું. શોના રજિસ્ટ્રેશનની પ્રક્રિયા શરૂ થઈ ગઈ હતી, પરંતુ અચાનક બિગ બી કોરોના પોઝિટિવ આવતા બ્રેક લાગી ગયો હતો. એક્ટર બે અઠવાડિયાથી વધુના સમય સુધી હોસ્પિટલમાં ભરતી રહ્યાં હતા.
હવે હોસ્પિટલથી સાજા થઈને આવ્યા બાદ બિગ બીએ ફરી શૂટિંગ શરૂ કરી દીધું છે. પરંતુ આ વખતે પહેલાં કરતા પણ વધુ સાવધાની અને તકેદારી જોવા મળી રહી છે. હવે સેટ પરથી અમિતાભની તસવીરની રાહ જોવાઈ રહી છે. આશા છે કે, કૌન બનેગા કરોડપતિના સેટ પરથી અભિતાભ બચ્ચન લોકોને શુભેચ્છા આપતા જોવા મળશે.