IPLIN
 

બોલિવૂડ / માખીથી કોરોના ફેલાય તેવા વીડિયો બાદ બિગ બીએ હવે એવી તસ્વીર શેર કરી કે ફરી થયા ટ્રોલ

Team VTV 02:24 PM, 06 Apr 20
Follow us
Amitabh Bachchan shares pic of glowing India on world map after 9 pm 9 minutes

બોલિવૂડના મેગાસ્ટાર અમિતાભ બચ્ચન કોરોના વાયરસના હાહાકાર વચ્ચે એક ફેક ફોટો શેર કરવાને કારણે સોશિયલ મીડિયા પર ટ્રોલ થઈ રહ્યાં છે. રવિવારે પ્રધાનમંત્રી મોદીની અપીલ દેશભરમાં લોકોએ રાતે 9 વાગ્યે 9 મિનિટ માટે પોતાના ઘરની લાઈટ્સ બંધ કરીને દીવા પ્રગટાવ્યા હતા. જે બાદ અમિતાભે એક તસવીર શેર કરી હતી. જેના કારણે યુઝર્સે તેમને ટ્રોલ કર્યા હતા.

  • સોશિયલ મીડિયા પર ટ્રોલ થયા અમિતાભ બચ્ચન
  • ફેક તસવીર શેર કરવા પર ભડક્યા યુઝર્સ
  • બિગ બી સોશિયલ મીડિયા પર અવારનવાર પોસ્ટ કરતા રહે છે

બિગ બી દ્વારા શેર કરવામાં આવેલી તસવીરમાં દુનિયાના નક્શામાં ભારતનો નક્શો ચમકતો દેખાઈ રહ્યો છે. જેની ઓરિજિનલ ટ્વિટમાં લખ્યું હતું કે, જ્યારે આખી દુનિયા અંધકારમાં છે ત્યારે ભારત ચમકી રહ્યું હતું. આ તસવીર ઘણું બધું કહી રહી છે. આ ટ્વિટમાં અમિતાભ બચ્ચનને પણ ટેગ કરવામાં આવ્યા હતા. અમિતાભે રિ-ટ્વિટ કરીને લખ્યું- સમગ્ર દુનિયા આપણને જોઈ રહી છે, આપણે બધાં જ એક છે. 

અમિતાભના આ ટ્વિટ પછી ઘણાં યુઝર્સે આ તસવીર ફેક ગણાવી અને આવી તસવીર શેર કરવા બદલ તેઓ બિગ બીને ટ્રોલ પણ કરવા લાગ્યા. જ્યારે કેટલાક લોકોએ બિગ બીને ફેક મેસેજ વાયરલ થતાં રોકવાનું કહ્યું. એક યુઝરે લખ્યું- મિસ્ટર બચ્ચન, પ્લીઝ તસવીર શેર કરતા પહેલાં તેને ચેક કરી લો. અન્ય અન્ય એક યુઝરે લખ્યું- મને આશ્ચર્ય થાય છે કે, અભિષેક બચ્ચન જેને ટેક્નોલોજી વિશે સારી સમજ છે તેના પિતાને તે ફેક મેસેજ ફોરવર્ડ ન કરવા વિશે જેમ શીખવાડતો નથી. 

ઉલ્લેખનીય છે કે, અગાઉ બિગ બી દ્વારા એવો વીડિયો શૅર કરાયો હતો જેમાં ખુલ્લામાં શૌચ ન જવાનું કહેવાયું હતું. કારણ કે મળમાં કોરોના જીવિત રહી શકે છે અને તેના પર બેસેલી માખીને કારણે કોરોના ફેલાઈ શકે છે.  આ વીડિયો પર કેન્દ્ર સરકારે સ્પષ્ટતા કરવી પડી હતી કે માખીથી કોરોના ફેલાતો નથી.

glowing India Amitabh Bachchan 9 pm 9 minutes Twitter fake pic Coronavirus Bollywood
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ