બોલિવૂડના મહાનાયક અમિતાભ બચ્ચન 3 જૂન એટલે કે આજે તેમની 47મી એનિવર્સિરી સેલિબ્રેટ કરી રહ્યાં છે. તેમણે સોશિયલ મીડિયા પર કેટલીક જૂની તસવીરો શેર કરીને પત્ની જયા બચ્ચનને એનિવર્સિરી વિશ કર્યું છે. આ સાથે જ બિગ બીએ એ સમયનો એક મજેદાર કિસ્સો પણ જણાવ્યો છે. અમિતાભની આ પોસ્ટ સોશિયલ મીડિયા પર ખૂબ વાયરલ થઈ રહી છે.
સદીના મહાનાયક બિગ-બીની આજે 47મી એનિવર્સિરી
જૂની તસવીરો શેર કરીને બિગ-બીએ જણાવ્યો મજેદાર કિસ્સો
અમિતાભ બચ્ચને સોશિયલ મીડિયા પર જે તસવીરો શેર કરી છે તે લગ્ન મંડપની છે. તસવીરોમાં બિગ બી પત્ની જયાના માથા પર ચાંદલો લગાવી રહ્યાં છે અને હવન કુંડની સામે બેઠા છે. જયાએ લગ્નનો ડ્રેસ પહેર્યો છે અને બિગ બી શેરવાનીમાં છે. તસવીર શેર કરતા અમિતાભ બચ્ચને કેપ્શનમાં લખ્યું કે, 47 વર્ષ....આજના જ દિવસે....3 જૂન 1973.
બિગ બીએ આગળ કેપ્શનમાં લખ્યું- એવું નક્કી કરવામાં આવ્યું હતું કે, ઝંઝીર હિટ થશે તો અમે બધાં મિત્રો ભેગાં મળીને પહેલીવાર લંડન ફરવા જઈશું. મારા પિતાએ પૂછ્યું કે તૂ કોની સાથે જઈ રહ્યો છે. ત્યારે મૈં જણાવ્યું તો તેમણે કહ્યું કે, તારે જો એની સાથે જવું હોય તો તેની સાથે (જયા બચ્ચન) પહેલાં લગ્ન કરી લે, નહીં તો તને જવા નહીં મળે. એટલે મૈં તેમની વાત માની લીધી.
બિગ બીની આ પોસ્ટ સોશિયલ મીડિયા પર ખૂબ જ વાયરલ થઈ રહી છે. એ જમાનામાં અમિતાભ અને જયા સુપરસ્ટાર હતા અને બંને લાંબા સમયથી એકબીજાને ડેટ કરી રહ્યાં હતા. ફેન્સ ખૂબ કમેન્ટ કરી રહ્યાં છે અને બિગ બીને એનિવર્સિરી વિશ કરી રહ્યાં છે. થોડાં જ કલાકમાં તસવીરને 11 લાખથી પણ વધુ લાઈક્સ મળી ગયા છે. ત્યારે તમમને જણાવી દઈએ કે, 1972માં રિલીઝ થનારી ફિલ્મ બંસી બિરજૂમાં અમિતાભ-જયાએ પહેલીવાર સાથે કામ કર્યું હતું.