સોશિયલ મીડિયા પર એક્ટિવ રહેનાર બીગ બીએ ટ્વિટ કરતા જ ફેન્સે પૂછી લીધુ એવુ કે.. અમિતાભ બચ્ચને કરવો પડ્યો ખુલાસો
અમિતાભ બચ્ચ ફરી એકવાર થયા ટ્રોલ
સવારે 11.24 કલાકે ગુડ મોર્નિંગ કેહતા ફેન્સ ભડક્યા
અજબ ગજબ કમેન્ટ કરીને કર્યા ટ્રોલ
અમિતભા બચ્ચને પણ આપ્યા મજેદાર જવાબ
બોલિવુડ એક્ટર અને મહાનાયક અમિતાભ બચ્ચન સોશિયલ મીડિયામાં ઘણા એક્ટિવ રહે છે. તેઓએ ફેન્સ સાથે કંઇકને કંઇ શેર કરતા રહે છે. ફેસબુક, ટ્વિટર સહિત સોશિયલ મીડિયામાં તેઓ કંઇકને કંઇ પોસ્ટ કરતા હોય છે. ત્યારે અમિતાભ બચ્ચને શનિવાર બપોરે 12 વાગ્યાની આસપાસ ગુડ મોર્નિંગ કહેતા યુઝર્સે તેમને ટ્રોલ કરી દીધા. જો કે અમિતાભ બચ્ચને પણ એવો વળતો જવાબ આપ્યો કે લોકો પણ તેમની પ્રશંસા કરી રહ્યા છે. ત્યારે આવો જાણીએ શું હતો સમગ્ર મામલો.
વાત જાણે એમ હતી તે 15મેના રોજ સવારે 11.24 કલાકે અમિતાભ બચ્ચને ટ્વિટ કર્યુ કે પ્રાત: કાલની શુભકામના. બસ પછી તો યુઝર્સે ધડાધડ કમેન્ટ કરવાનું શરુ કરી દીધું. એક યુઝર્સે લખ્યું કે અરે, બુઢ્ઢે દોપહર હો ગઇ હૈ. આ કમેન્ટ પર અમિતાભ બચ્ચને જવાબ આપ્યો કે હું ભગવાનને પ્રાર્થના કરુ છું કે તમે જ્યારે વૃદ્ધ થાઓ ત્યારે કોઇ તમારુ અપમાન ન કરે.
' બહુ મોડુ ઉતર્યુ લાગે છે '
આકાશ દીપ ગુપ્તાએ કહ્યું, 'આજે બહુ મોડું ઉતર્યું.... બહુ મોડા ઉતરી, લાગે છે કે તમે દેશી પર આવી ગયા. સવારે 11.30 કલાકે પ્રાત: કાલ ! આ સાથે એક હસતું ઇમોજી પણ પોસ્ટ કરવામાં આવ્યું હતું. આના પર અમિતાભ બચ્ચન ગુસ્સે થયા નહી અને એક રમૂજી અંદાજમાં જ જવાબ આપી દીધો.
'સ્વયમ નહીં પીતા, ઔરો કો પિલા દેતે હૈ મધુશાલા.'
એક યુઝરે કર્યો કટાક્ષ
ચંદન વર્મા નામના યુઝરે લખ્યું, 'શું તમને નથી લાગતું કે તમે બહુ જલ્દી ગુડ મોર્નિંગ કહ્યું.' જેના જવાબમાં અમિતાભે કહ્યું, 'કટાક્ષ માટે આભાર. પણ મોડી રાત સુધી કામ કરતો હતો, આજે સવારે જ શૂટિંગ પૂરું થયું, ઊઠવામાં ઘણો સમય લાગ્યો એટલે હું ઉઠતાંની સાથે જ મારી શુભકામનાઓ મોકલી. જો મેં તમને દુઃખ પહોંચાડ્યું હોય તો હું માફી માંગુ છું.'