ટેલિકાસ્ટ / ટીવી પર કેમ વાંરવાર બતાવવામાં આવે છે સૂર્યવંશમ? બિગ બીએ કર્યો ખુલાસો

ફિલ્મને ન તો માત્ર પડદા પર અઢળક કમાણી કરી પરંતુ નાના પડદા પર વારંવાર જોયા છતાં લોકો તેનાથી કંટાળ્યા નથી.કેટલાક લોકોનો આરોપ છે કે ફિલ્મને બળજબરીથી ટીવી પર વારંવાર બતાવવામાં આવે છે. જોકે બિગ બીએ આ અંગે પોતાનો જવાબ આપ્યો છે. 

indeed🙏🙏❤️❤️ https://t.co/iwNF5VwqVw

— Amitabh Bachchan (@SrBachchan) May 21, 2019

અભિતાષ બચ્ચને એક ટ્વીટને રીટ્વીટ કરી. જેમાં યૂઝરે લખ્યું હતુ કે, ''આ એક મોટી ભૂલ છે કે સૂર્યવંશમ સોની ટીવી પર બળજબરીથી દર્શકોને વારંવાર બતાવવામાં આવે છે. આ વાત વાસ્તવિક છે કે, તેની હાઇ રેટિંગના કારણે તેને વારંવાર પ્રસારિત કરવામાં આવે છે. સેટ મેક્સ અને સોનીએ એક નિવેદન જાહેર કરી છેલ્લા 20 વર્ષોમાં બનેલા આ રેકોર્ડ પર સ્પષ્ટતા કરવી જોઇએ.''

વર્ષ 1999માં રિલીઝ થયેલી ફિલ્મ સૂર્યવંશમમાં અમિતાભ બચ્ચને ડબલ રોલ કર્યો હતો. જેમાં પિતા અને પુત્ર બંનેનો રોલ કર્યો હતો, એક અભણ દિકરો પોતાના પિતના સપનાઓ ના પૂરા કરી શકતા તેને વારંવાર ટકોર સાંભળવી પડતી જે પછી પોતાને સાબિત કરવા નીકળી પડે છે, તેની આ ફિલ્મની સ્ટોરી છે. 7 કરોડના ખર્ચે બનેલી આ ફિલ્મે કુલ 12 કરોડ 65 લાખ રૂપિયાનો વકરો કર્યો હતો. 

વર્ક ફ્રંટની વાત કરીએ તો અભિતાભ બચ્ચન ટૂંક સમયમાં જ ફિલ્મ બ્રહ્માસ્ત્રમાં આ કામ કરતા જોવા મળશે. આ ફિલ્મમાં તેમની સાથે રણબીર કપૂર, આલિયા ભટ્ટ, મૌની રોય પણ જોવા મળશે. જોકે આ ફિલ્મમાં અમિતાભ બચ્ચનનો લૂક કેવો હશે તે માટે ફેન્સ રાહ જોઇ રહ્યા છે.