અમિતાભ બચ્ચને ટીમ ઈન્ડિયાને લઈને એક મજેદાર પોસ્ટ ટ્વિટર પર શેર કરી છે, પરંતુ તેને લઈને તેઓ ટ્રોલર્સના નિશાના પર આવી ગયા છે. બિગ બીએ સોશિયલ મીડિયા પર વાયરલ એક પોસ્ટ શેર કરી છે, જેમાં તેમણે એવા ક્રિકેટર્સના નામનો ઉલ્લેખ કર્યો છે, જેમના ત્યાં દીકરી જન્મી છે. તેમાં મહેન્દ્રસિંહ ધોની, હરભજન સિંહ, નટરાજન, ઉમેશ યાદવ, મોહમ્મદ શમી, આર.કે. અશ્વિન, રોહિત શર્મા, ગૌતમ ગંભીર, સુરેશ રૈના, વૃદ્ધિમન સાહા, રવિન્દ્ર જાડેજા, અજિંક્ય રહાણે સહિત 11 ક્રિકેટરોના નામ છે. આ સાથે મેસેજમાં લખ્યું છે કે ભાવિ મહિલા ક્રિકેટ ટીમ બની રહી છે. આ મેસેજ શેર કરતા અમિતાભ બચ્ચને લખ્યું છે, '... અને મહેન્દ્ર સિંહ ધોનીને પણ એક દીકરી પણ છે. શું તે ટીમની કેપ્ટન બનશે?
અમિતાભ બચ્ચને ટીમ ઈન્ડિયાને લઈને એક મજેદાર પોસ્ટ ટ્વિટર પર શેર કરી છે
આ પોસ્ટને કારણે તેઓ ટ્રોલર્સના નિશાના પર આવી ગયા છે
લોકોએ લગાવ્યા વંશવાદના આરોપ
ભલે અમિતાભ બચ્ચને આ પોસ્ટ મનોરંજન માટે કરી હોય, પરંતુ યુઝર્સ તેમને ટ્રોલકરી રહ્યા છે અને વંશવાદનો આરોપ લગાવી રહ્યાં છે. એક ટ્વિટર યુઝરે કહ્યું કે શું તમે ક્રિકેટમાં પણ વંશવાદ લાવવા માંગો છો. બીજા એક યુઝરે લખ્યું, 'આદર સાથે જણાવી રહ્યો છું, આ રાષ્ટ્રીય ક્રિકેટ ટીમ છે. અહીં સ્ત્રી અથવા પુરુષ ક્રિકેટ ટીમની પસંદગી તેમની પ્રતિભા અનુસાર થાય છે. આમાં તેમના માતા-પિતાની કોઈ ભૂમિકા નથી. કૃપા કરીને બોલિવૂડમાં વંશવાદને લઈને લોકોને મૂંઝવણમાં ન મૂકશો. એક યુઝરે સૈફ અલી ખાન, અક્ષય કુમાર સહિતના બધાં સ્ટાર્સના બાળકોની ગણતરી કરી અને કહ્યું કે બોલિવૂડમાં આવું જ થાય છે.
જોકે, કેટલાક ટ્વિટર યુઝર્સે અમિતાભ બચ્ચનનો બચાવ કર્યો છે. એક યુઝરે ટ્રોલર્સને જવાબ આપ્યો અને કહ્યું કે વ્યક્તિ હંમેશા હતાશામાં ન હોવો જોઈએ. થોડીવાર હસવું પણ જોઈએ. તમને જણાવી દઈએ કે અમિતાભ બચ્ચન ઘણીવાર સોશિયલ મીડિયા પર પોતાની પર્સનલ લાઇફ સહિતના તમામ મુદ્દાઓ પર પોસ્ટ કરતા રહે છે. હાલમાં જ તેઓ શૂટિંગના સંદર્ભમાં માઇનસ 33 ડિગ્રીમાં લદ્દાખ ગયા હતા. જેની તસવીર તેમણે સોશિયલ મીડિયા પર પણ શેર કરી હતી. 78 વર્ષની ઉંમરે તેમના લદાખ જવાને લઈને તેમની ખૂબ પ્રશંસા કરી હતી અને તેમનું કામ પ્રત્યેનું સમર્પણ ગણાવ્યું હતું.
અનુષ્કા શર્માએ સોમવારે બપોરે દીકરીને જન્મ આપ્યો છે. તેના પતિ અને ટીમ ઈન્ડિયાના કેપ્ટન વિરાટ કોહલીએ પોતે સોશિયલ મીડિયા દ્વારા ચાહકોને માહિતી આપી હતી. આ સાથે વિરાટ કોહલીએ ચાહકો અને મીડિયાને તેમની પ્રાઈવસીજાળવવા અપીલ કરી હતી. આટલું જ નહીં અનુષ્કા અને વિરાટ દ્વારા ફોટોગ્રાફરોને ગિફ્ટ હેમ્પર મોકલવામાં આવ્યું છે. આ સાથે, તેમને એક પત્ર પણ આપવામાં આવ્યો છે જેમાં જણાવાયું છે કે તેઓ તેમના ફોટોઝ ક્લિક કરી શકે છે, તેમની દીકરીના ફોટોઝ ન ક્લિક કરે.