બોલિવૂડના મહાનાયક અમિતાભ બચ્ચન જ્યારે ગ્રાઉન્ડ પર પહોંચ્યા ત્યારે ફુટબોલની દુનિયાના બે સૌથી મોટા નામ તેમની આત્તુરતાથી રાહ જોઈ રહ્યા છે. ક્રિસ્ટિયાનો રોનાલ્ડો અને લિયોનેલ મેસ્સી બિગ બીને મળીને ખુશ ખુશ થઈ ગયા હતા.
મેચ પહેલા મેસી અને રોનાલ્ડને મળ્યા બોલિવૂડ સુપરસ્ટાર
મેસ્સી તો બિગ બીને મળીને ગદગદ થઈ ગયા
અમિતાભ બચ્ચને આ મુલાકાતનો વીડિયો કર્યો શેર
ક્રિસ્ટિયાનો રોનાલ્ડો અને લિયોનેલ મેસ્સી ગુરુવારે રાત્રે આમને-સામને હતા. આ એક મૈત્રીપૂર્ણ મેચ હતી, જેમાં સાઉદી ઓલસ્ટાર XIનો મુકાબલો ફ્રેન્ચ ક્લબ પેરિસ સેન્ટ જર્મન સાથે થયો હતો. 2025 સુધી અલ નાસેર ક્લબ સાથે કરાર કર્યા બાદ રોનાલ્ડો પ્રથમ વખત સાઉદી અરેબિયામાં કોઈ મેચ રમી રહ્યા હતા. મેચ પહેલા બોલિવૂડના સુપરસ્ટાર અને મહાનયાક અમિતાભ બચ્ચને ખેલાડીઓ સાથે મુલાકાત કરી હતી. અમિતાભ બચ્ચને રોનાલ્ડો અને મેસ્સીને મળીને તેમના પ્રદર્શન બદલ અભિનંદન પાઠવ્યાં. બન્ને ખેલાડીઓએ ખુબ આદર પુર્વક હાથ મિલાવીને તેમનું અભિવાદન ઝીલ્યું.
અમિતાભ બચ્ચને વીડિયો શેર કર્યો
અમિતાભ બચ્ચને પોતે આ મુલાકાતનો વીડિયો શેર કર્યો છે. ટ્વિટર પર વીડિયો શેર કરતા તેમણે લખ્યું છે કે, 'T 4533 શું સાંજ હતી, ક્રિસ્ટિયાનો રોનાલ્ડો, લિયૉનેલ મેસ્સી, એમ્બાપ્પે, નેમાર તમામ એક સાથે રમી રહ્યાં હતા અને મને મેચને ઇનોગ્રેટ કરવા માટે ગેસ્ટ તરીકે બોલાવવામાં આવ્યો હતો.'
T 4533 - "An evening in Riyadh .. " what an evening ..
Cristiano Ronaldo, Lionel Messi, Mbape, Neymar all playing together .. and yours truly invited guest to inaugurate the game .. PSG vs Riyadh Seasons ..
Incredible !!!#football#Ronaldo#Messi#AlNassr#SaudiArabiapic.twitter.com/fXlaw9meeV
એમ્બાપ્પે અને અચરફ હકીમી પણ હતા મેદાનમાં
ફૂટબોલ જગતના બે લિજેન્ડ ક્રિસ્ટિયાનો રોનાલ્ડો અને લિયોનેલ મેસ્સી ગઈકાલે એકબીજા સામે ટકરાયા હતા. રોનાલ્ડો સાઉદી ઓલ-સ્ટાર ઇલેવન માટે રમી રહ્યા હતા, તો સામે મેસ્સી પેરિસ સેન્ટ જર્મનને લીડ કરી રહ્યા હતા. ગુરુવારની મેચમાં મેસ્સી ઉપરાંત PSGના સ્ટાર્સ કે જેઓ મેચ રમી રહ્યા હતા, તેમાં ફ્રાંસના સ્ટ્રાઇકર કિલિયન એમ્બાપ્પે અને અચરફ હકીમીનો સમાવેશ થાય છે, જેમણે ગયા વર્ષે કતારમાં મોરક્કોને વર્લ્ડ કપની સેમિફાઇનલમાં પહોંચનારી પ્રથમ અરબ અને આફ્રિકી ટીમ બનાવામાં મદદ કરી હતી. સાઉદી ઓલ સ્ટાર ટીમમાં રોનાલ્ડોની સાથે સલેમ અલ-દાવસારી હતી, જેમણે વર્લ્ડ કપના ગ્રુપ સ્ટેજમાં અર્જેટીનાની કારમી હારમાં વિજય ગોલ કર્યો હતો.
મેચ મેસ્સીની ટીમ PSG જીતી ગઇ
સ્ટેડિયમમાં ફેન્સનો ઉત્સાહ ત્યારે ડબલ થઇ ગયો જ્યારે આ બન્ને ખેલાડીઓએ બેક ટૂ બેક ગૉલ કર્યા. મેચમાં ગોલનો વરસાદ થયો, જોકે, અંતમાં આ મેચ મેસ્સીની ટીમ PSG જીતી ગઇ, PSGએ રોનાલ્ડોની ટીમ રિયાદ ઓલ સ્ટારને 5-4થી હાર આપી હતી.સાઉદી ઓલ-સ્ટારે મેચમાં 4 ગોલ કર્યા હતા. જ્યારે વિરોધી ટીમ તેનાથી એક ગોલ વધુ કરવામાં સફળ રહી હતી.