કેટરિના કૈફને તાજેતરમાં લગ્ન કર્યા અને તેના ફોટોઝ સોશ્યલ મીડિયા પર વાયરલ થઇ રહ્યા છે, આ ફોટોઝમાં કેટરિના સિવાય બોલિવુડના દિગ્ગજ અમિતાભ બચ્ચન અને જયા બચ્ચન પણ જોવા મળ્યા. તમને કદાચ એવું લાગતુ હશે કે આ ફિલ્મી સીન હશે, પરંતુ તમને સાથે એવું પણ લાગ્યુ હશે કે કેટરિનાના માતાપિતાના રોલમાં જોવા મળશે ? જોકે બહુ વિચારવાની જરૂર નથી, અમે તમને જણાવી દઇએ.
વાસ્તવમાં જયા અને અમિતાભ કોઇ ફિલ્મ માટે કેટરિનાના માતા-પિતા નથી બન્યા પરંતુ એક બ્રાન્ડની એડમાં ત્રણેય સાથે જોવા મળ્યા, તો તેમની સાથે સાઉથના ત્રણ સુપરસ્ટાર પણ જોવા મળ્યા.
અગાઉ એક્ટ્રેસ કેટરિનાએ ઇન્સ્ટાગ્રામ પર દુલ્હનના અવતારમાં પોતાની ફોટો શૅર કરી. હવે ફેન્સને જયા અને અમિતાભ બચ્ચન કેટરિનાના લગ્ન કરાવતા જોવા છે. હવે એડમાં કેટરિનાના માતા-પિતા બનેલા જયા અને અમિતાભની દિકરી લગ્નમાં જોરદાર ડાન્સ કરવાથી માંડીને લગ્ન કરાવવા સુધી ફોટો સોશ્યલ મીડિયા પર વાયરલ થઇ રહી છે.
આ એડની ફોટો શૅર કરીને બિગ બીએ કહ્યું હતું, કામ અમને લગ્નમાં લઈ ગયું. અમે અમારા ક્લાઈન્ટ માટે સિમ્પલ અને અનેક ભાવનાઓથી ભરપૂર કામ કર્યું. જોકે, મારી તથા જયા માટે આ ઐતિહાસિક ક્ષણ હતી, જેમાં ઈન્ડિયન સિનેમા ઈન્ડસ્ટ્રીના ત્રણ લિજેન્ડરી પિતાઓના ત્રણ સુપરસ્ટાર દીકરાઓ સાથે મુલાકાત થઈ.
બિગ બીએ તસવીર શૅર કરીને કહ્યું હતું, ડાબેથી, આ તસવીરમાં નાગાર્જુન છે, જે લિજેન્ડરી અક્કિનેની નાગેશ્વર રાવના દીકરા છે. પછી શિવરાજકુમાર ખડે છે, જે કન્નડ સિનેમાના લિજેન્ડરી તથા આઈકોનિક એક્ટર રાજકુમારના દીકરા છે. તમિલ સિનેમાના લિજેન્ડરી એક્ટર શિવાજી ગણેશનના દીકરા પ્રભુદેવા છે. આ તમામે એક કોમન ક્લાઈન્ટ માટે કામ કર્યું છે. આ તમામને મળવું મારી તથા જયા માટે સૌભાગ્યની વાત છે.