એક્ટર અમિતાભ બચ્ચન 3 દિવસથી હોસ્પિટલમાં એડમિટ છે. મંગળવારે એટલે કે 15 ઓક્ટોબરના સવારે 3 વાગે તેમણે સ્ટીન ચેકઅપ માટે નાણાવટી હોસ્પિટલમાં દાખલ કરવામાં આવ્યા હતા. એવા સમાચાર છે કે, બિગ બીને રવિવારના ડિસ્ચાર્જ કરી દેવામાં આવશે. સોશ્લય મીડિયા પર અમિતાભ બચ્ચનની રિકવરીની પ્રાર્થના કરવામાં આવી રહી છે. તમને જણાવી દઇએ, હોસ્પિટલમાં દાખલ હોવા છતાં બિગ બી સોશ્યલ મીડિયા પર સતત અપડેટ કરી રહ્યા છે.
અમિતાભ બચ્ચન હોસ્પિટલમાં દાખલ
હોસ્પિટલમાં દાખલ હોવા છતાં સોશ્યલ મીડિયા પર એક્ટિવ છે બિગ બી
સોશ્યલ મીડિયા પર વાયરલ થઇ રહ્યા છે ટ્વીટ
આપણે સૌ કોઇ જાણીએ છીએ કે, અમિતાભ બચ્ચન સોશ્યલ મીડિયા પર ખૂબ જ એક્ટિવ છે. તેઓ સતત ટ્વીટ કરી રહ્યા છે. તેમના તમામ ટ્વીટ ઝડપથી વાયરલ થઇ રહ્યા છે.
અમિતાભ બચ્ચને છેલ્લું ટ્વીટ 11 કલાક ( સમાચાર લખ્યા પહેલા) કર્યુ હતુ. આ ટ્વીટમાં તેમણે જયા બચ્ચનની સાથે એક ફોટો શૅર કરી હતી અને કરવા ચોથની શુભકામનાઓ આપી હતી. તો જયા બચ્ચન પણ અમિતાભ બચ્ચનની લાંબી ઉમંર માટે કરવા ચોથનું વ્રત રાખ્યુ હતુ.
'
T 3521 - WAH .. !!🙏🤗
“खूबसूरती का मुकाबला आज अपने पूरे शबाब पर था,
आज एक चांद दूसरे चांद के इन्तजार में था” ~ Ef PA
Karva chauth ki shubhkamanayein .. unhein jo pran karti hain pati ki jeevan ke liye
करवाचौथ की शुभकामनाएँ ; उन्हें ,जो प्रण करती हैं पति के जीवन के लिए pic.twitter.com/dSAVekhJeE
આ સિવાય કેન્સરની સારવાર પછી અમેરિકાથી ભારત પાછળ ફરેલી સોનાલી બેન્દ્રે પણ સોશ્યલ મીડિયા પર ફોટો શૅર કર્યો હતો જે જયા બચ્ચને ક્લિક કર્યો હતો.
ફેન્સ કરી રહ્યા છે અમિતાભ બચ્ચન માટે પ્રાર્થના:
તો બીજી તરફ બિગ બીના ફેન્સ પ્રાર્થના કરી રહ્યા છે કે, અમિતાભ જલ્દીથી ઠીક થઇને હોસ્પિટલથી પરત ફરે. સોશ્યલ મીડિયા પર યૂઝર્સ ટ્વીટ કરી રહ્યા છે કે, અમિતાભ બચ્ચન જલ્દી ઠીક થઇ જાય અને ફૂલ ફોર્મમાં પરત ફરે, તો બીજા યૂઝરે લખ્યુ કે, આશા છે કે તેઓ ઠીક હોય, અન્ય યૂઝરે લખ્યુ કે, અમિતાભજી તમે જલ્દી ઠીક થઇ જાઓ. તમારે હજુ કૌન બનેગા કરોડપતિના 10 વધારે સિઝન કવર કરવાના છે.
તમને જણાવી દઇએ કે, બિગ બી સ્ટીન ચેકઅપ માટે હોસ્પિટલ સતત જઇ રહ્યા છે. વર્ષ 2012માં પણ સર્જરીને કારણે 12 દિવસ માટે હોસ્પિટપલમાં દાખલ થયા હતા.
ઉલ્લેખનીય છે કે, અમિતાભ બચ્ચનને 1982માં ફિલ્મ ‘કૂલી’ના સેટ પર ઈજા પહોંચી ત્યારથી લીવરની સમસ્યા છે. તેમનું લિવર 75% કામ કરવાનું બંધ કરી દીધુ છે અને તેનું કારણ સિરોસિસ છે. જ્યારે બિગ બીને ઈજા પહોંચી ત્યારે ભૂલથી એક બ્લડ ડોનરનું બ્લડ તેમના સિસ્ટમમાં પહોંચી ગયું જેમાં હેપેટાઈટિસ બી વાઈરસ હતો.
આ સિવાય રિપોર્ટ્સ અનુસાર, બચ્ચન પરિવારના લોકો ખબર પૂછવા માટે હોસ્પિટલ આવી રહ્યા છે. તેમને સ્પેશિયલ રૂમમાં રાખવામાં આવ્યા છે. હજુ સુધી કોઈ બોલિવુડના સેલિબ્રેટી તેમની ખબર પૂછવા માટે પહોંચ્યુ હોવાની માહિતી આવી નથી.