બોલિવુડ / મિ.દર્દ તમે ઠીક નહીં થાવ તો તમને રિપેર કરાશેઃ બીગ બી

હવે બિગ બીએ પોતાના બ્લોગ પર ખરાબ તબિયતને લઇ એક બ્લોગ લખ્યો છે અને જણાવ્યું કે કેવી રીતે દર્દને પાછળ છોડતાં તેઓ કામમાં વ્યસ્ત થઇ ગયા છે. બિગ બીએ પોતાના દર્દને સંબોધતાં લખ્યું કે, ‘મિ.દર્દ તમે ઠીક નહીં થાવ તો તેનાં પોતાનાં પરિણામ હશે. જ્યાં તને રિપેર કરાશે. હું તે કરી શકું છું. મહેરબાની કરીને આને હળવાશથી ન લેશો અને હસવામાં ન ઉડાવશો. હું તે કરીશ. ત્યાં કેટલાક ધમકી આપનારા હસી રહ્યા હતા, પરંતુ આખરે એક સમજૂતી પર વાતચીત થઇ ગઇ હતી. મને વિશ્વાસ છે કે એક શરૂઆત કરાઇ છે.’
 

અમિતાભ હાલમાં ઇમરાન હાશ્મી સામે મિસ્ટ્રી-‌થ્રિલર ફિલ્મ ચહેરાનું શૂટિંગ શરૂ કરી રહ્યા છે. આ ફિલ્મથી અમિતાભનો ફર્સ્ટ લુક પણ સામે આવી ગયો છે. ફિલ્મ ક્રિટિક અને એના‌લિસ્ટ તરણ આદર્શે બિગ બીનો પહેલો લુક પોતાના ટ્વિટર હેન્ડલ પર ટ્વિટ કર્યો હતો. આદર્શે લુક શેર કરતાં લખ્યું હતું કે મિસ્ટ્રી-‌થ્રિલર ફિલ્મ ચહેરાના સેટ પરથી અમિતાભની પહેલી તસવીર. ફિલ્મમાં તેમના કો-સ્ટાર ઇમરાન હાશ્મી પણ છે. ફિલ્મના નિર્દેશક રૂમી જાફરી છે અને ફિલ્મનું નિર્માણ આનંદ પંડિત મોશન પિક્ચર્સ અને સરસ્વતી એન્ટરટેઇનમેન્ટે કર્યું છે. 
 

છેલ્લાં ર૦ વર્ષથી અમિતાભ હિપેટાઇ‌િટસ-બી સામે લડી રહ્યા છે. તેમના ‌લિવરનો ૭પ ટકા ભાગ ખરાબ થઇ ગયો છે અને માત્ર રપ ટકા ભાગ કામ કરી રહ્યો છે. આ કારણે તેમને હંમેશાં પેટમાં દર્દ રહે છે. ફિલ્મ ‘કુલી’ના શૂટિંગ દરમિયાન તેઓ જ્યારે ઘાયલ થયા ત્યારે તેઓ હિપેટાઇ‌િટસ-બીથી પીડાતા હતા.