પ્રતિક્રિયા / અમિતાભ બચ્ચન બીમારીના મીડિયામાં આવતાં સમાચારથી ભડક્યાં કહ્યું કંઈક આવું...

• અમિતાભ બચ્ચને કહ્યુ : બીમાર પડવું અને ઈલાજ કરાવો એ વ્યક્તિનો ગોપનીય હક છે
• ‘તેનો ધંધાકીય વપરાશ કરવો સામાજિક રૂપથી ગેરકાયદેસર છે, દુનિયામાં દરેક વસ્તુ વેચવા માટે નથી હોતી’

.અમિતાભે લખ્યું કે, ''મહેરબાની કરીને પ્રોફેશનલ ડોક્યુમેન્ટેશનના કોડને તોડો નહીં. બિમાર પડવું અને ઈલાજ કરાવો એ વ્યક્તિનો ગોપનીય હક છે. આ શોષણ છે અને તેનો ધંધાકીય વપરાશ કરવો સામાજિક રૂપથી ગેરકાયદેસર છે. સમ્માન કરો અને વાતને સમજો. દુનિયામાં દરેક વસ્તુ વેચવા માટે નથી હોતી.''

બિગ બીએ ચિંતા કરનારાનો આભાર વ્યક્ત કર્યો

બિગ બીએ બ્લોગમાં એ લોકોનો આભાર માન્યો જેમણે તેમની હેલ્થને લઈને ચિંતા વ્યક્ત કરી અને જલ્દી સ્વસ્થ થવાની કામના કરી. તેમણે લખ્યું કે, ‘મારો પ્રેમ અને આભાર એ દરેકને જેમને મારા માટે પ્રાર્થના કરી.’ બ્લોગમાં તેમણે પોતાના ચાહકોના ફોટો શેર કર્યા છે અને આરાધ્યા સાથેના ફોટો પણ શેર કર્યા છે. તેમન 77મા જન્મદિવસ પર તેમના ઘર જલસાની બહાર ઉમટેલ ફેન્સની ભીડની ફોટો પણ શેર કરી છે.

મુંબઈની હોસ્પિટલમાં દાખલ થયાની ખબર આવી હતી

શુક્રવારે મીડિયા રિપોર્ટ્સમાં અમિતાભ બચ્ચનને હોસ્પિટલમાં ભરતી કરાયા હોવાની વાત સામે આવી હતી. માહિતી એવી હતી કે રાત્રે 2 વાગ્યે તેમને લીવરની સમસ્યાને લઈને મુંબઈની હોસ્પિટલમાં દાખલ કરવામાં આવ્યા હતા. ત્યારબાદ શુક્રવારે રાત્રે તેમનો એક વીડિયો સોશ્યલ મીડિયા પર આવ્યો હતો જેમાં તે દીકરા અભિષેક અને પત્ની જયા બચ્ચન સાથે કારમાં દેખાયા હતા. રિપોર્ટ્સ મુજબ આ ત્રણ દિવસ બાદ તેમને હોસ્પિટલમાંથી ડિસ્ચાર્જ કરાયા તે દિવસનો વીડિયો છે.