જાવેદ જાફરીનો દિકરો મિઝાન જાફરી પોતાની ડેબ્યૂ ફિલ્મને લઇને ચર્ચામાં છે. મિઝાન જાફરીની ફિલ્મ 'મલાલ' આજે રિલીઝ થઇ.
આ ફિલ્મમાં મિઝાન સાથે પ્રોડ્યુસર-ડિરેક્ટર સંજય લીલા ભણસાલીની ભાણી શર્મિન સહગલે પણ બોલિવુડ ડેબ્યૂ કર્યુ. આ ફિલ્મ સંજય લીલા ભણસાલી પ્રોડ્યુસ કરી રહ્યા છે. જોકે ફિલ્મનો એક્ટર મિઝાન ડેબ્યૂ પહેલાથી જ ચર્ચામાં છે. તેની પાછળનું કારણ અમિતાભ બચ્ચનની દોહિત્રી નવ્યા નંદા સાથે મિઝાનના અફેરની ચર્ચા છે.
તાજેતરમાં જ્યારે મિઝાનને એક ઇન્ટરવ્યૂમાં પૂછવામાં આવ્યુ તો તેણે જણાવ્યુ કે, નવ્યા નવેલી નંદા સાથે લગ્ન કરવા માંગે છે. જોકે તે ખરેખર લગ્ન કરવાની ઇચ્છા નથી રાખતો તેમ છતાં સવાલનો જવાબ આપતા જણાવ્યુ.
ફિલ્મના પ્રમોશન દરમિયાન મિઝાનને પૂછવામાં આવ્યુ કે, તે કોની હત્યા કરશે, કોની સાથે લગ્ન કરશે અને કોની સાથે રિલેશનશિપમાં રહેવા માગે છે. જેના જવાબમાં મિઝાને કહ્યુ કે, ''તે નવ્યા નવેલી સાથે લગ્ન કરશે, સારા સાથે રિલેશનશિપમાં રહેશે અને અનન્યા પાંડને મારશે.''
આ પછી જ્યારે મિઝાનને પૂછવામાં આવ્યુ કે તે શું ખરેખરમાં નવ્યાને પસંદ કરે છે, તો તેણે જણાવ્યુ કે, ''નવ્યા માત્ર મારી ફ્રેન્ડ છે અને ફ્રેન્ડશીપ એક પ્રકારની રિલશેનશીપ છે. અમારા બંને વચ્ચે ર્લફ્રેન્ડ-બોયફ્રેન્ડ જેવો કોઈ સંબંધ નથી. કોઈ બે વ્યક્તિ સાથે થિયેટરમાંથી બહાર નીકળે તેનો મતલબ એમ નથી કે તેઓ એકબીજાને ડેટ કરી રહ્યા છે.'' જોકે મિઝાનની વાત પરથી ,સ્પષ્ટ થાય છે કે તેની અને નવ્યા વચ્ચેના રિલેશનશિપ માત્ર વાતો જ છે.