અમિતાભ બચ્ચન છેલ્લા 14 સીઝનથી કૌન બનેગા કરોડપતિ હોસ્ટ કરી રહ્યા છે. પરંતુ કેબીસી પાછળની દુનિયા વિશે બહુ ઓછા લોકો જાણો છે. બુધવારના એપિસોડમાં, અમિતાભ બચ્ચને દર્શકોને KBCના સેટની ટૂર પણ કરાવી હતી.
અમિતાભે બતાવ્યો KBCનો બેકસ્ટેજ
સોશિયલ મીડિયા પર વાયરલ થયો વીડિયો
પહેલી વખત જોવા મળ્યો Question Room
અમિતાભ બચ્ચન છેલ્લી 14 સીઝનથી કૌન બનેગા કરોડપતિ હોસ્ટ કરી રહ્યા છે અને તેમની સ્ટાઈલ હંમેશા દર્શકોને પસંદ આવી છે. સ્પર્ધકો સાથે તેમનું દુઃખ શેર કરવાનું હોય કે પછી તેમની સાથે રમુજી વાર્તાઓ શેર કરવી હોય, બિગ બી આ શોમાં હંમેશા દર્શકો સાથે જોડાયેલા રહ્યા છે.
વર્ષોથી ચાલી રહેલા આ શોમાં પહેલીવાર બેકસ્ટેજનો નજારો પણ જોવા મળ્યો છે. બુધવારના એપિસોડમાં અમિતાભ બચ્ચને પણ દર્શકોને KBCના સેટનો નજારો બતાવ્યો હતો. પહેલી વખત દર્શકોને આ શોનો એ રૂમ પણ બતાવવામાં આવ્યો હતો જ્યાં પ્રશ્નો નક્કી કરવામાં આવે છે.
અમિતાભે બતાવ્યુ KBCનું બેકસ્ટેજ
બુધવારના એપિસોડની શરૂઆત અમિતાભ બચ્ચન સ્ટેજની પાછળના રૂમમાં બેઠા હતા. અમિતાભ કહે છે કે હવે સમય આવી ગયો છે કે તે સોમેશ્વર (કંન્ટેસ્ટન્ટ) ને બેકસ્ટેજ બતાવે અને આ બધું કેવી રીતે કામ કરે છે તે સમજાવવે. સોમેશ્વર અમિતાભ બચ્ચનના મેકરૂમમાં આવે છે અને હોસ્ટ તેમનું સ્વાગત કરે છે. તે કહે છે 'ચાલો તમને બતાવીએ કે બેકસ્ટેજ કેવી રીતે કામ કરે છે.
અમિતાભે બતાવ્યો પોતાનો એક્ટિંગ રૂમ
આ પછી બિગ બી તેમને બહાર લઈ જાય છે અને તેમના હાથને સેનિટાઈઝ કરાવે છે અને કહે છે કે તે ખૂબ જ મહત્વપૂર્ણ છે અને તેના વિના કંઈ થઈ શકે નહીં. આ પછી, અમિતાભ તેને તેમનો ધ્યાન અને એક્ટિંગ રૂમ બતાવે છે. જ્યાં તે ઘણીવાર શો માટે તૈયારી કરે છે.
અમિતાભે બતાવ્યો Question Room
ત્યારબાદ અમિતાભ બચ્ચન સોમેશ્વરને KBCનો 'Question Room' બતાવે છે. તે કહે છે, આ તે રૂમ છે જ્યાં તમામ પ્રશ્નો તૈયાર કરવામાં આવે છે અને આ રૂમમાં કોઈને પ્રવેશવાની મંજૂરી નથી. આ સાંભળીને સોમેશ્વર પૂછે છે કે શું તે અંદર જઈ શકે છે? આના પર બિગ બી કહે છે, 'જુઓ ભાઈ આ અમારી તિલિસ્મી તિજોરી છે, તેનો પ્રશ્ન જે છે તેનો દરવાજો ખોલે છે. પરંતુ આ નહીં ખુલે… આ રૂમની અંદર કોઈ નથી જઈ શકતું.'