બોલિવૂડ સ્ટાર્સ અવારનવાર ટ્રોલ થતાં હોય છે. એવામાં કેટલાક સ્ટાર્સ ટ્રોલર્સને જડબાતોળ જવાબ આપી છે તો કેટલાક તેમને ઈગ્નોર કરે છે. જ્યારે બિગ બીની વાત કરીએ તો તેઓ સોશિયલ મીડિયા પર વધુ એક્ટિવ રહે છે. હાલમાં જ તેમણે વૈશાખી પર્વના ખાસ અવસર પર લોકોને શુભેચ્છા પાઠવી હતી, પરંતુ એક યુઝર તેમને ટ્રોલ કરવા લાગ્યો. જેનો અમિતાભે એવો જવાબ આપ્યો કે, તે લાઈન પર આવી ગયો.
વૈશાખી પર્વ પર અમિતાભે પોતાની ફિલ્મ સુહાગના એક ગીત 'તેરી રબને બના દી જોડી'ની તસવીર શેર કરી હતી. જેમાં તેઓ ભાંગડા કરતા જોવા મળી રહ્યાં છે. બિગ-બીએ લખ્યું-વૈશાખીના પાવન અવસર પર બધાંને અભિનંદન. આ દિવસ દરેક દિવસ મંગલમય રહે.
અમિતાભની આ પોસ્ટ પર અક્ષય શર્મા નામના એક ટ્રોલરે પૂછ્યું-એશ્વર્યા કહાં હે રે બૂઢે..આમ તો મોટાભાગના ટ્રોલર્સને કોઈ જ જવાબ આપતા નથી બિગ-બી પરંતુ આ ટ્રોલરને તેમણે જવાબ આપ્યો. બિગ-બીએ જવાબમાં લખ્યું-એશ્વર્યા ત્યાં છે જ્યાં તમે ક્યારેય પહોંચી નહીં શકો, બાપ રે બાપ.
અમિતાભનો જવાબ મળતા ટ્રોલરની હાલત ખરાબ થઈ ગઈ અને તે તરત લાઈન પર આવી ગયો અને તેણે ફરી મેસેજ કર્યો, તમને તો ખોટું લાગી ગયું સર, પોતાના ચાહકોથી કોઈ આ રીતે નારાજ કેમ થઈ શકે. તમને જણાવી દઈએ કે, હાલ કોરોનાને કારણે દેશમાં લોકડાઉન ચાલી રહ્યું છે. ત્યારે મોટાભાગના બોલિવૂડ સેલેબ્સ સોશિયલ મીડિયા પર વધુ એક્ટિવ થઈ ગયા છે. એવામાં બિગ-બી પણ અવારનવાર કોઈને કોઈ પોસ્ટ મૂકીને ફેન્સ સાથે કનેક્ટેડ રહે છે.