IPLIN
 

મદદ / અસમ પૂર પીડિતો માટે અમિતાભ બચ્ચને કરી મદદ, 51 લાખ રૂપિયાનું કર્યુ દાન

Team VTV 06:52 PM, 24 Jul 19 | Updated: 06:58 PM, 24 Jul 19
Follow us
Amitabh Bachchan donates Rs 51 lakh for Assam floods, asks followers to contribute to CM Relief Fund

સ્ટાર્સ હંમેશાથી મુશ્કેલ સમયમાં લોકોની મદદ માટે આગળ આવતા રહે છે.  હાલમાં દેશના બિહાર તથા આસામ રાજ્યમાં પૂર આવ્યું છે.

આ અઘરા સમયમાં બોલિવુડના મહાનાયક પણ આગળ આવ્યા છે. બિગ બીએ પૂર પીડિતો માટે 51 લાખ રૂપિયાનું દાન કર્યું છે. અમિતાભ બચ્ચનનો આસામ રાજ્યના મુખ્યમંત્રી સર્બાનંદાએ ટ્વિટર પર તેમનો આભાર માન્યો છે. 

મુખ્યમંત્રીએ ટ્વિટર પર અમિતાભ બચ્ચનનો આભાર માનતા લખ્યુ કે,  ''અમે અમિતાભ બચ્ચનના યોગદાન માટે આભારી છીએ. તેમણે મુખ્યમંત્રી રાહત કોષમાં 51 લાખનું દાન કર્યું છે. તમારા સમર્થન માટે, આસામની જનતા તરફથી તમારો આભાર..''

 

અમિતાભે પણ મુખ્યમંત્રી ટ્વીટનો જવાબ આપ્યો હતો. તેમણે ટ્વીટ કરી હતી, ‘પૂરથી ઘણું જ નુકસાન થયું છે. અહીંયાના લોકોને સંભાળ તથા મદદની જરૂર છે. તમામને અપીલ છે કે સીએમ રાહત કોષમાં તમારું યોગદાન આપો. મેં હમણાં જ આપ્યું.’

 

અમિતાભ પહેલાં અક્ષય કુમારે આસામ પૂર પીડિતો માટે 2 કરોડનું દાન આપ્યું હતું. જેમાં 1 કરોડ રૂપિયા સીએમ રાહત કોષમાં આપ્યા હતાં અને 1 કરોડ કાઝીરંગા નેશનલ પાર્કની મદદ માટે આપ્યા હતાં. આ ઉપરાંત અક્ષયે લોકોને પૂર પીડિતોને મદદ કરવાની વિનંતી પણ કરી હતી. 

અક્ષયે ટ્વીટ કરી હતી, ‘આસામમાં આવેલા પૂરથી થયેલા નુકસાનની વાત જાણીને દુઃખ થયું. સંકટની આ ક્ષણે તમામ પૂર પીડિત મનુષ્યો તથા પશુઓને મદદની જરૂર છે. હું સીએમ રાહત કોષમાં એક કરોડનું દાન કરવા માગું છું અને કાઝીરંગા પાર્ક બચાવવા માટે પણ યોગદાન કરવા ઈચ્છું છું. હું તમામને વિનંતી કરું છું કે તમે પણ મદદ માટે આગળ આવો.’

Entertainment Bollywood અમિતાભ બચ્ચન અક્ષય કુમાર પૂર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ