અમિતાભે કંગનાની ફિલ્મ 'ધાકડ'નું ટ્રેલર શેર કર્યા બાદ થોડી જ મિનિટોમાં ડિલીટ પણ કરી દીધું. આ પર કંગનાએ કહ્યું કે અમિતાભ જેવા વ્યક્તિ પર કોનું દબાણ હોય શકે છે? જાણો વિગતવાર
અમિતાભે શેર કર્યું હતું કંગનાની ફિલ્મ 'ધાકડ'નું ટ્રેલર
ત્યાર બાદ થોડી જ મિનિટોમાં કર્યું ડિલીટ
અમિતાભ પર કોનું દબાણ હોય શકે છે? - કંગના રનૌત
અમિતાભે શેર કર્યું હતું કંગનાની ફિલ્મ 'ધાકડ'નું ટ્રેલર
અપકમિંગ ફિલ્મ 'ધાકડ' રિલીઝ માટે તૈયાર છે. ફેન્સ આતુરતાથી કંગનાની આ ફિલ્મની રાહ જોઈ રહ્યા છે. જ્યારે હાલમાં જ દિગ્ગજ અભિનેતા અમિતાભ બચ્ચને કંગનાની આ ફિલ્મનું ટ્રેલર ટ્વીટ કર્યું હતું, પરંતુ થોડી મિનિટ બાદ ડિલીટ કરી દીધું. આ ઘટનાએ લોકોને કન્ફયુઝ કરી દીધા કે શું બિગ બીએ ભૂલથી ટ્રેલર ટ્વીટ કરી દીધું હતું કે તેમણે ભૂલથી ડિલીટ કરી દીધું. જોકે હવે કંગના રનૌતે આ ઘટના પર પોતાની પ્રતિક્રિયા આપી છે.
હાલમાં જ કંગના રનૌતે એક ઇન્ટરવ્યૂમાં આ ઘટના વિષે વાત કરી. તેણે કહ્યું કે તેને લાગે છે કે અમિતાભ બચ્ચન જેવા મોટા વ્યક્તિત્વ પર કોનું દબાણ હશે. તે આગળ કહે છે કે તે બિગ બીનાં 'ધાકડ' ટ્રેલરને ટ્વીટ કર્યા બાદ ડિલીટ કરવાનું કારણ ક્યારેય નહીં જણાવી શકે.
અમિતાભ પર કોનું દબાણ હોય શકે છે? - કંગના રનૌત
કંગના રનૌતે આ સ્થિતિને કોમ્પ્લેક્સ જણાવી અને કહ્યું કે પસંદ અને નાપસંદ હોય છે, પણ આ એટલું હીટ કરે છે કે મિસ્ટર બચ્ચને ટ્રેલરને ટ્વીટ કર્યું અને પછી તેને પાંચ દસ મિનિટ બાદ ડિલીટ કરી દીધું. તેમના જેવા સ્ટેટસવાળા વ્યક્તિ પર કોનું દબાણ હશે? હું નથી જાણતી, મને આ સ્થિતિ થોડી કોમ્પ્લેક્સ લાગે છે.
ઈન્ડસ્ટ્રીમાં પર્સનલ ઇનસિક્યોરિટી
કંગના રનૌતે એ વિષે પણ વાત કરી કે ક્યા પ્રકારે તેમના કામના ઇન્ડસ્ટ્રીનાં અન્ય લોકો ક્યારેય વખાણ કરતા નથી. તેણે આરોપ લગાવ્યો કે આવું પર્સનલ ઇનસિક્યોરિટીને કારણે હોય શકે છે. તેણે કહ્યું કે મને લાગે છે કે ક્યાંકને ક્યાંક ખૂબ જ પર્સનલ ઇનસિક્યોરિટી છે. આ માત્ર એક શક્તિશાળી વ્યક્તિ ન હોય શકે. આ એક્ટર્સ મને અને મારા કામને પ્રોત્સાહિત કરવામાં નિષ્ફળ કેમ છે અને ખાસકરીને જ્યારે આ મહિલાઓ માટે છે.
કંગના રનૌત કરે છે સારી ફિલ્મોનાં વખાણ
કંગનાએ કહ્યું કે તે બોલિવુડમાં સારા કામ અને ફિલ્મોનાં વખાણ કરે છે. તે કહે છે કે કરન જોહરની 'શેરશાહ' હોય, વિવેક અગ્નિહોત્રીની 'ધ કશ્મીર ફાઈલ્સ' કે એસએસ રાજામૌલીની 'RRR', તેણે હંમેશા સારી ફિલ્મોનાં વખાણ કર્યા છે.