વાયરલ / VIDEO : KBCના છેલ્લા એપિસોડમાં અમિતાભ રડી પડ્યાં, દીકરીએ પૂછ્યો એવો સવાલ કે થયા ભાવુક

• KBCમાં બચ્ચનના 1000 એપિસોડ કર્યા પૂર્ણ
• 1000મા એપિસોડમાં દીકરી શ્વેતા આવી હતી
• અમિતાભ શોમાં ભાવૂક થઇ ગયો હતો

'ફેન્ટાસ્ટિક ફ્રાઈડે'ના ખાસ અવસર પર, 'કૌન બનેગા કરોડપતિ'ના 1000 એપિસોડ પૂરા થયા અને અમિતાભ બચ્ચનની પુત્રી શ્વેતા બચ્ચન અને નવ્યા નંદા પણ આ પ્રસંગની ઉજવણી કરવા હાજર હતા. કેબીસીના 1000 એપિસોડ પૂરા થવા પર અમિતાભ બચ્ચને પણ શો સાથે જોડાયેલી તેમની જર્ની યાદ કરી અને તેના વિશે વાત કરતાં ભાવુક થઈ ગયા.

'કૌન બનેગા કરોડપતિ 13'ના સેટ પર અમિતાભ બચ્ચનને તેમની પુત્રી શ્વેતા બચ્ચને પૂછ્યું હતું કે, "આ તમારો 1000મો એપિસોડ છે, તો તમે કેવું અનુભવો છો?" દીકરીની વાતનો જવાબ આપતા અમિતાભ બચ્ચને કહ્યું કે તેમની સફર ત્યારે શરૂ થઈ જ્યારે તેમને ફિલ્મોમાં કામ નહોતું મળતું.

 

 

 

 

View this post on Instagram

 

 

 

 

 

 

 

 

 

 

 

A post shared by Sony Entertainment Television (@sonytvofficial)

આ વિશે વાત કરતા અમિતાભ બચ્ચને કહ્યું કે, “વર્ષ 2000માં શરૂ થયાને 21 વર્ષ થઈ ગયા છે. તે સમયે લોકો કહેતા હતા કે તમે મોટા પડદાથી નાના પડદા પર જઈ રહ્યા છો, તમારી ઇમેજને નુકસાન થશે. પણ આપણી પોતાની પરિસ્થિતિ થોડી વિચિત્ર હતી. મને ફિલ્મોમાં કામ નહોતું મળતું. પરંતુ પ્રથમ પ્રસારણ પછી જે રીતે પ્રતિક્રિયાઓ આવવા લાગી, એવું લાગ્યું કે આખું વિશ્વ ફેરવાઈ ગયું છે." 

 

 

 

 

View this post on Instagram

 

 

 

 

 

 

 

 

 

 

 

A post shared by Sony Entertainment Television (@sonytvofficial)

આ વિશે વાત કરતા અમિતાભ બચ્ચને વધુમાં કહ્યું હતું કે, "પણ મને સૌથી સારી વાત એ છે કે મને અમારા બધા સ્પર્ધકો જેઓ આવ્યા હતા તેમની પાસેથી દરરોજ કંઈકને કંઈક શીખવા મળ્યું." શોમાં અમિતાભ બચ્ચનને KBC સાથે જોડાયેલી કેટલીક ક્લિપ્સ પણ બતાવવામાં આવી હતી, જેમાં અમિતાભ બચ્ચન લોકો સાથે ગેમ રમતા જોવા મળ્યા હતા.

'કૌન બનેગા કરોડપતિ'નો વીડિયો જોતી વખતે અમિતાભ બચ્ચનની આંખો આંસુઓથી ભરાઈ ગઈ હતી, જ્યારે જયા બચ્ચન પણ એકદમ શાંત થઈ ગયા હતા. આ સિવાય અમિતાબ બચ્ચને પણ શોમાં પરિવાર સાથે ખૂબ જ મસ્તી કરી હતી. જયા બચ્ચને તો બિગ બીની ફેશન સેન્સની મજાક પણ ઉડાવી હતી, જેના માટે તેણે કહ્યું હતું કે, "જાઓ આપકો બાત નહીં કરન્ગે."