લોકડાઉન / KBCનું શૂટિંગ શરૂ કરવાના સવાલ પર ભડક્યા બિગ બી, કહ્યું મેં આ કામ કર્યુ છે તમે તમારા સુધી જ રાખો

• કેબીસીના રજિસ્ટ્રેશન અને બિગ બીના શૂટિંગને લઈને લોકો નારાજ
• બિગ બી પર લોકડાઉનમાં શૂટિંગ કરવા બદલ સાધ્યું નિશાન
• તો બિગ બીએ આ રીતે બધાંની બોલતી કરી બંધ

તેમની પોસ્ટમાં તેમણે સ્પષ્ટતા કરચા કહ્યું કે- સાવચેતીના તમામ જરૂરી પગલાં સાથે તેની શૂટિંગ કરવામાં આવી છે. બિગ બીએ બ્લોગમાં કહ્યું- હા મેં કામ કર્યું છે અને જો તમને તેનાથી પરેશાની છે તો તમારા સુધી જ રાખો. લોકડાઉનની પરિસ્થિતિમાં કંઈ જ કહેવાની જરૂર નથી. જેટલું શક્ય હોય એટલી પૂરતી સાવધાની રાખવામાં આવી છે. 2 દિવસના કામને એક જ દિવસમાં પતાવી દેવામાં આવ્યું છે. સાંજે 6 વાગ્યે કામ શરૂ કર્યું અને થોડી જ વારમાં પતાવી દીધું. 

ji .. its coming back to you again soon https://t.co/rCQn2kFsOK

— Amitabh Bachchan (@SrBachchan) May 2, 2020

કેબીસીની શૂટિંગને લઈને ઘણાં લોકોને બિગ બી પર નિશાન સાધ્યું હતું

ઉલ્લેખનીય છે કે,  ટેલિવિઝનના પ્રખ્યાત ગેમિંગ રિયાલિટી શો 'કૌન બનેગા કરોડપતિ'ની 12મી સીઝનની તૈયારીઓ શરૂ થઈ ગઈ છે. કોરોના મહામારી દરમિયાન પસંદગીની પ્રક્રિયા ઓનલાઇન થઈ રહી છે. લોકડાઉન વચ્ચે શોના હોસ્ટ અમિતાભ બચ્ચને સ્પર્ધકોને પસંદ કરવા માટે તેમના ઘરેથી શૂટિંગ કર્યું છે.

શો માટે રજિસ્ટ્રેશનની તારીખનું એનાઉન્સમેન્ટ થઈ ગયું છે. જેના માટે એક શોર્ટ વીડિયો બનાવવામાં આવ્યો હતો. આ વીડિયોને રિ-ટ્વિટ કરતાં બિગ બીએ લખ્યું-જી તમારી પાસે ટૂંક સમયમાં પાછો આવી રહ્યો છે. કેબીસીના પ્રોમો ડિરેક્ટર નિતેશ તિવારીએ કહ્યું, આ શો ફક્ત ક્વિઝ અથવા ગેમ નથી. પરંતુ લોકોના સપનાઓને પંખ લગાવવાની સોનેરી તક છે. તમને જણાવી દઈએ કે, નિતેશ તિવારીએ રજિસ્ટ્રેશન પ્રોમોનું ડિરેક્શન કર્યું છે. પ્રોમોમાં અમિતાભ બચ્ચન કેબીસીમાં ભાગ લેનારાઓને આમંત્રણ આપતા જોવા મળે છે.