સદીના મહાનાયક અમિતાભ બચ્ચને સુરતના બાળક કલાકારનો પપ્પા સાથેનો સંગીતનો રિયાઝ કરતો વીડિયો ટ્વિટ કર્યો હતો. ચાઈલ્ડ ઈઝ ધ ફાધર ઓફ મેન નામે વીડિયો બીગ બીએ ટ્વિટ કર્યો છે.
સુરતનો બાળકનો અનોખ સંગીત પ્રેમ
અમિતાભ બચ્ચને પણ કર્યા વખાણ
ત્રણ પેઢી છે સંગીત પ્રેમી
સુરતના એક 3 વર્ષના બાળકના સંગીત પ્રેમ પર ઓળઘોળ થઈ ગયા છે. અમિતાભ બચ્ચને ત્રણ વર્ષના બાળકનો પિતા સાથે રિયાઝ કરતો વીડિયો પોતાના ટ્વિટર પરથી ટ્વિટ કર્યો છે. જેમાં અમિતાભ બચ્ચને લખ્યુ છે કે ચાઈલ્ડ ઈઝ ધ ફાધર ઓફ મેન. બાળકના સંગીત પ્રેમ અને ઘગશના વખાણ બચ્ચને ટ્વિટર પર કર્યાં છે. જેથી બાળક કલાકાર શ્રી તાન્હાજી જાદવ અને તેમના પરિવારમાં પણ ખુશીનું મોજું ફરી વળ્યું છે, ત્રણ પેઢીથી સંગીત સાથે સંકળાયેલો પરિવાર બીગ બીનો ટ્વિટ કરવા બદલ આભાર પણ માની રહ્યો છે.
શ્રીના પિતા તાન્હાજીએ 15 દિવસ અગાઉ વીડિયો બનાવ્યો હતો. ત્રણ વર્ષા શ્રીના પિતા તાન્હાજી જાદવે કહ્યું કે 15 દિવસ અગાઉ વીડિયો બનાવ્યો હતો. આ વીડિયો સોશિયલ મીડિયામાં ભારે વાયરલ થયા બાદ બીગ બી સુધી પહોંચ્યો હશે તેમણે આ ટ્વિટ કર્યું છે. જેથી અમારૂં ભારે નામ થઈ રહ્યું છે. લોકોના ફોન આવી રહ્યાં છે. નવરાત્રિ શક્તિના આરાધનાના પર્વ પર જ આ પ્રકારે સંગીત સાધનાને પ્રોત્સાહન મળ્યું છે તે અમારા માટે ગર્વની વાત સમાન હોવાનું તાન્હાજીએ વધુમાં ઉમેર્યું છે.
શ્રીનો પરિવાર મૂળ મહારાષ્ટ્રીયન પરિવાર છે. સુરત શહેરના જહાંગીરપુરા વિસ્તારમાં આવેલા વૈષ્ણોદેવી રોડ પરના વૈષ્ણોદેવી સ્કાયના ઈ બિલ્ડીંગમાં રહેતા શ્રી અને તેમનું જાદવ પરિવાર મૂળ મહારાષ્ટ્રના અહેમદનગરના વતની છે. છેલ્લા ચાર વર્ષથી તેઓ સુરતમાં રહે છે. શ્રીના પિતા તાન્હાજી ઓલ ઈન્ડિયા રેડિયોના આર્ટિસ્ટસ છે. સાથે ખાનગી શાળામાં સંગીત ટીચર તરીકે પણ ફરજ બજાવે છે. તાન્હાજીને બે સંતાનો છે જેમાં મોટી દીકરી શ્રેયા આઠ વર્ષની અને નાનો દીકરો શ્રી ત્રણ વર્ષનો છે, આ પરિવાર ત્રણ પેઢીથી પરિવાર સંગીત સાથે સંકળાયેલો છે.
તાન્હાજીએ કહ્યું કે, અમારી ત્રણ પેઢી સંગીત સાથે સંકળાયેલી પિતાજી પણ સંગીત સાથે સંકળાયેલા હતાં. મને પણ શોખ છે. દીકરો શ્રી પણ સંગીતની તાલિમ મારી પાસે જ લઈ રહ્યો છે. અમે નિયમિત રિયાઝ પણ કરીએ છીએ. રિયાઝનો ક્યારેક સારો વીડિયો બનાવીને સોશિયલ મીડિયામાં પણ શેર કરતાં હોઈએ છીએ.