સંબોધન / ગાંધીનગરમાં અમિત શાહનું સંબોધન, કહ્યું- 1 હજાર કિલોથી વધુ ડ્રગ્સનો નાશ કરાયો 

• ગાંધીનગરમાં અમિત શાહનું સંબોધન 
• 'ડ્રગ્સની ચૂંગાલમાંથી દેશને મુક્ત કરવાની આપણી સહિયારી જવાબદારી'
• નવા વર્ષે અમિત શાહનો દ્રઢ સંકલ્પ

કેન્દ્રીય ગૃહમંત્રી અમિત શાહ ગુજરાતના પ્રવાસે છે. ત્યારે આજે તેમણે ગાંધીનગર ખાતે એક કાર્યક્રમમાં હાજરી આપી હતી. “ડ્રગ ટ્રાફિકિંગ અને રાષ્ટ્રીય સુરક્ષા” વિષય પર પ્રાદેશિક બેઠકમાં અમિત શાહ ઉપસ્થિત રહ્યા હતા. જ્યાં સંબોધન કરતા તેમણે જણાવ્યું કે ડ્રગ્સ આપડા દેશને ઊધયની માફક ખતમ કરી રહ્યું છે. દેશને ડ્રગ્સની ચૂંગાલમાંથી મુક્ત કરવાની આપણી બધાની સહિયારી જવાબદારી છે. તેમ નવા વર્ષે અમિત શાહે દ્રઢ સંકલ્પ કર્યો હતો.

નવા વર્ષે અમિત શાહનો દ્રઢ સંકલ્પ
ગાંધીનગરમાં ડ્રગ તસ્કરી અને રાષ્ટ્રીય સુરક્ષા પર ક્ષેત્રીય બેઠકને સંબોધિત કરતા કેન્દ્રીય ગૃહ અને સહકાર મંત્રી અમિત શાહે કહ્યું કે ડ્રગ્સના દૂષણમાંથી દેશને બચાવવોએ આપણા તમામની ફરજ છે. વધુમાં તેમણે જણાવ્યું કે ડ્રગ્સને આતંકવાદ સાથે પણ કનેક્શન હોય શકે છે ત્યારે આ નેટવર્કને ધવસ્ત કરવા તમામે અગાળ આવવું જોઇએ. આજે ડ્રગ્સનું દૂષણ ગામડા સુધી વકર્યું છે. વધુમાં દેશને બરબાદ કરતાં ડ્રગ્સના 1 હજાર કિલોથી વધુ જથ્થાનો નાશ કરાયો હોવાનો પણ અમીત શાહે દાવો કર્યો હતો.

અમિત શાહ પ્રદેશના નેતાઓ સાથે કરશે ચર્ચા
ગુજરાતમાં ચૂંટણીને લઈને ધમધમાટ ચાલી રહ્યો છે. તેવામાં અમિત શાહની અધ્યક્ષતામાં કમલમમાં બેઠક યોજાશે. જેમાં વિધાનસભા ચૂંટણીની રણનીતિ, આગામી કાર્યક્રમો, ઉમેદવારો નામ સહીતના મુદ્દે મંથન થઇ શકે છે. ગુજરાત ભારતીય જનતા પાર્ટીનો ગઢ ગણાય છે અને અહીં સતત ભાજપ જીતતી આવી છે ત્યારે આ વખતે ચૂંટણીમાં વિજય મેળવવા માટે શુ સ્ટેટેજી અપનાવે છે તે મહત્વનું રહેશે. તેવામાં ચુંટણીની જાહેરાત અગાઉ  CM ભૂપેન્દ્ર પટેલ, પ્રદેશ ભાજપ પ્રમુખ સી.આર પાટીલની હાજરીમાં બેઠક યોજાઇ રહી છે. જે બેઠકમાં કેન્દ્રીય ગૃહમંત્રી અમિત શાહ પ્રદેશના નેતાઓ સાથે ચર્ચા કરશે.