ભારતીય જનતા પાર્ટીના રાષ્ટ્રીય અધ્યક્ષ અમિત શાહ ગુજરાતના ગાંધીનગર લોકસભા સીટ પર જીતી ગયા છે.
અમિત શાહ 5.54 લાખ વોટથી ચૂંટણી જીત્યા. આ સીટ પર અમિત શાહ વિરુદ્ઘ કોંગ્રેસના ડૉક્ટર સીજે ચાવડા હતા. અમિત શાહ ગાંધીનગર સીટ પરથી પહેલી વખત લોકસભા ચૂંટણી લડ્યા અને પ્રચંડ જીત મેળવી. જોકે આ સીટ પર પહેલાથી અમિત શાહની જીત પાક્કી માનવામાં આવી રહી હતી, કેમકે ગુજરાતની ગાંધીનગરની સીટ ભારતીય જનતા પાર્ટીનો ગઢ માનવામાં આવે છે.
વર્ષ 2014માં આ સીટથી ભારતીય જનતા પાર્ટીના લાલકૃષ્ણ અડવાણીએ ચૂંટણી જીતી હતી. 2019માં પાર્ટીએ અહીંયાથી અમિત શાહને ઉમેદવાર બનાવ્યા. ગાંધીનગર સીટ પરથી લાલ કૃષ્ણ અડવાણીને ઘણા દાયકામાં સુધી રાજ કર્યુ. તેઓ અહીંયા 1998-2014 સુધી દરેક ચૂંટણી જીત્યા. ગાંધીનગર સીમાં 1991માં પૂર્વ પ્રધાનમંત્રી અટલ બહિરી વાજપેયી પણ લોકસભાની ચૂંટણી જીત્યા હતા. આ લોકસભા ક્ષેત્ર હેઠળ ગાંધીનગર ઉત્તર, ઘાટલોડિયા, સાબરમતી, કલોલ, વેજલપુર, સાણંદ, નારણપુરા વિધાનસભાની સીટ આવે છે.
1967માં થયી હતી ગાંધીનગર સીટ પર પહેલી ચૂંટણી:
ગુજરાતની ગાંધીનગર લોકસભા સીટ પર સૌથી પહેલા લોકસભા ચૂંટણી 1967માં થઇ. ત્યારે આ લોકસભા સીટ અનુસૂચિત જાતિ માટે આરક્ષિત હતી. ચૂંટણી કોંગ્રેસની ટિકિટ પર એસએમ સોલંકીએ જીતી હતી. 1971માં ચૂંટણી પણ સોલંકીએ જ જીતી હતી. 1980 તથા 1984માં લોકસભા ચૂંટણીમાં કોંગ્રેસ ફરી આ સીટ પર કબ્જો મેળવ્યો. જે પછી સીટ ભારતીય જનતા પાર્ટીના ખાતામાં આવી ગઇ અને ત્યારથી સતત ભાજપ આ સીટ જીતી રહી છે. આ સીટ પર ભાજપની તરફથી પહેલી ચૂંટણી શંકર વાઘેલાએ જીતી હતી જે પછી લાલ કૃષ્ણ અડવાણીએ આ સીટને બાદશાહ કહેવાતા. જોકે વચ્ચે 1991માં સીટ માટે અટલ બિહારી વાજયેયીને સંસદ પહોંચાડ્યા હતા.