રાજનીતિ / અમિત શાહ આવતીકાલે દાદરા અને નગર હવેલીની મુલાકાતે, આ ચર્ચાએ પકડ્યું જોર

બે સંઘ પ્રદેશો ને એક કરવા અંગેની જાહેરાતે પકડ્યું જોર

ત્યારે અમિત શાહના આગમન વખતે પણ સંઘપ્રદેશ દમણ-દીવ અને દાદરાનગર હવેલી એમ બે સંઘ પ્રદેશો ને એક કરવા અંગે પણ મોટી જાહેરાતો થાય તેવી અંદરખાને જોરશોરથી ચર્ચા ચાલી રહી છે. આ સાથે જ ત્યારે સંઘપ્રદેશ દમણ-દીવ અને દાદરાનગર હવેલીને એક કરવાની ચર્ચાએ પણ જોર પકડ્યું છે. 

કેન્દ્રીય ગૃહમંત્રી અમિત શાહ રવિવારે દાદરાનગર હવેલીની મુલાકાતે- અક્ષયપાત્ર યોજનાના આધુનિક કિચનનું કરશે લોકાર્પણ#AmitShah pic.twitter.com/xCVuno9DnG

— VTV Gujarati News and Beyond (@VtvGujarati) August 31, 2019

સાયલી હેલિપેડ ખાતે થશે આગમન 

આપને જણાવી દઇએ કે, સાયલી પોલીસ ટ્રેનિંગ સેંટરના હેલિપેડ પર અમિત શાહનું આગમન થશે. જ્યાંથી તેઓ નમો મેડિકલ કોલેજના પ્રવેશોત્સવમાં ભાગ લેવાના છે આ સાથે જ પ્રદેશમાં અક્ષયપાત્ર યોજનાના આધુનિક કિચનનું લોકાર્પણ પણ કરવાના છે. 

અમિત શાહની રેલીમાં ભીડ એકત્ર કરવાના અપાયા આદેશ 

ત્યારબાદ બપોરે 12.00 વાગ્યે મેડિકલ કોલેજના પ્રાંગણમાં સંબોધશે જાહેરસભાને સંબોધન કરવાના છે. અમિત શાહની સભાને પગલે વહીવટીતંત્રએ તમામ સરકારી વિભાગોને આદેશ આપ્યો છે આ રેલીમા ભારે ભીડ એકત્ર કરવાની છે. જેની માટે ફેક્ટરી કામદારોને રેલીમા લાવવા આદેશ અપાયો છે. 

ગૃહમંત્રી બાદ અમિત શાહની પ્રથમ મુલાકાત

ઉલ્લેખનીય છે કે, અમિત શાહ ગૃહમંત્રી બન્યા બાદ સૌપ્રથમ વખત  પ્રદેશની મુલાકાત લઈ રહ્યા છે આથી લોકોમાં  ઉત્સુકતાનો માહોલ છે. કારણ કે છેલ્લા કેટલાક સમયથી સંઘપ્રદેશ દમણ-દીવ અને દાદરાનગર હવેલી એમ બંને પ્રદેશોને એક કરવાનું સરકાર વિચાર કરી રહી છે તેવી ચર્ચાઓ ચાલી રહી છે. 

મિની એસેમ્બલી આપવામાં આવે તેવી થઇ શકે રજૂઆત

દાદર નગર હવેલીના અપક્ષ સાંસદ મોહન ડેલકરે પણ આ વખતે લોકસભામાં સંઘપ્રદેશ દમણ-દીવ અને દાદરાનગર હવેલીને એક કરી અને આ પ્રદેશોને મિની એસેમ્બલી આપવામાં આવે તેવી પણ સરકાર સમક્ષ માંગ કરી હતી અગાઉ પણ અનેક વખત બંને દેશો દ્વારા કેન્દ્ર સરકાર સમક્ષ આં અંગે માંગો થઈ ચૂકી છે. 

આ વખતે પણ અમિત શાહની મુલાકાત દરમિયાન બંને પ્રદેશોને એક કરવાના સરકારના નિર્ણય અંગે કોઈ ચર્ચા શરૂ થાય તેવી અંદરખાને જોરશોરથી ચર્ચાઓ ચાલી રહી છે. દાદરા નગર હવેલીના ભાજપ અગ્રણીઓ પણ બંને પ્રદેશોને એક કરી પ્રદેશને મિની એસેમ્બલી આપવામાં આવે તો પ્રદેશનો સાચા અર્થમાં વિકાસ થશે તેવું માની રહ્યા છે. તો બીજી બાજુ સંઘપ્રદેશ દમણ-દીવના રાજકીય અગ્રણીઓ પણ બન્ને પ્રદેશોને એક કરવાની વાતને લઈને સંમત હોય તેવું અત્યારે ચર્ચાઈ રહ્યું છે.