અટકળ / અમિત શાહ ગુજરાત પ્રવાસે, પ્રદેશ પ્રમુખ સહિત સગંઠનમાં નિમણૂંકોને આપશે લીલી ઝંડી?

• ગૃહમંત્રી અમિત શાહ ગુજરાતના પ્રવાસે આવશે 
• અમિત શાહ 3 દિવસના ગુજરાતના પ્રવાસે આવશે 
• ભાજપ સગંઠનમાં વિવિધ નિમણૂંકોને લઇ કરશે ચર્ચા

ઉલ્લેખનીય છે કે હાલ છેલ્લા થોડા સમયથી આંદોલને ગાંધીનગરને બાનમાં લીધું હતુ. રાજ્ય સરકાર હાલ આ આંદોલનકારીઓને મનાવામાં સફળ રહી છે. પરંતુ ગૃહમંત્રી અમિત શાહના આગમનને લઇને ફરી પ્રદેશ અધ્યક્ષ સહિત ભાજપ સંગઠનમાં વિવિધ નિણૂંકોને લઇને ચર્ચા કરવામાં આવે તેવી શક્યતા છે. 
 

ગૃહમંત્રી અમિત શાહ 3 દિવસ ગુજરાતના પ્રવાસે આવશે. ભાજપ સગંઠનમાં વિવિધ નિમણૂંકોને લઇ ચર્ચા કરશે. માર્ચના પ્રથમ સપ્તાહમાં સગંઠનના હોદ્દાઓ નિમણૂંક થાય તેવી શક્યતા સેવાઇ રહી છે.
 

પ્રદેશ અધ્યક્ષ સહિતની નિમણૂંકોનો અંત આવે તેવી શક્યતા છે. રવિવારે રાત્રે અમિત શાહ અમદાવાદ આવશે. સોમવારે 'નમસ્તે ટ્રમ્પ' કાર્યક્રમમાં ઉપસ્થિત રહેશે. આ સાથે અમિત શાહ મંગળવારે કે.પી.વિદ્યાર્થી ભવનના શિલાયન્સ કાર્યક્રમમાં હાજરી આપશે.

ઉલ્લેખનીય છે કે  કેન્દ્રીય ગૃહમંત્રી અમિત શાહ શિવરાત્રીના દિવસે વડોદરાના પ્રવાસે આવવાના હતા. પરંતુ  અમિત શાહનો વડોદરા પ્રવાસ રદ થયો હતો. અમિત શાહ શિવરાત્રી મહોત્સવમાં ભાગ લેવા વડોદરા આવવાના હતા. આ સાથે જ ગૃહમંત્રી  વિવિધ વિકાસ કાર્યના લોકાર્પણ કાર્યક્રમમાં હાજર રહેવાના હતા.