અમદાવાદ / અમદાવાદ આવશે અમિત શાહ : મતદાન બાદ મોટેરામાં મેચની માણશે મજા

• અમિત શાહ આવશે અમદાવાદ
• નારણપુરા વોર્ડમાં કરશે મતદાન
• મોટેરા સ્ટેડિયમમાં નિહાળશે મેચ

આજે મનપા ચૂંટણી પ્રચારનો અંતિમ દિવસ

ગુજરાતમાં 6 મનપા માટે 21મી ફેબ્રુઆરીના રોજ ચૂંટણી થવા જઈ રહી છે અને આજે ચૂંટણી પ્રચારનો અંતિમ દિવસ છે. પ્રચારના અંતિમ દિવસે ભાજપ અને કોંગ્રેસ બંને પક્ષો જનસંપર્ક માટે ઝંઝાવાતી પ્રચાર કરવા જઈ રહ્યા છે અને આજે બંને પાર્ટીઓ પોતાનું શક્તિ પ્રદર્શન કરશે જે બાદ પ્રચારના પડઘમ શાંત પડી જશે. 

કેન્દ્રીય ગૃહમંત્રી અમિત શાહ આવતીકાલે આવશે અમદાવાદ

આ ચૂંટણીમાં મતદાન કરવા માટે કેન્દ્રીય ગૃહમંત્રી આવતીકાલે અમદાવાદ આવી રહ્યા છે. રવિવારે તેઓ નારણપુરા બોર્ડમાં મતદાન કરશે અને તે બાદ તેમનો મેચ જોવાનો પણ કાર્યક્રમ છે. 

ભારત-ઇગ્લેન્ડ વચ્ચેની ટેસ્ટ મેચમાં પણ રહેશે ઉપસ્થિત

નોંધનીય છે કે ઘણા મહિનાઓ બાદ અમદાવાદમાં મેચ થવા જઈ રહી છે અને મોટેરા સ્ટેડિયમમાં મેચને લઈને અમદાવાદના લોકોમાં ઉત્સાહમાં જોવા મળી રહ્યો છે ત્યારે ગૃહમંત્રી અમિત શાહ પણ અમદાવાદમાં મતદાન કર્યા બાદ મોટેરા સ્ટેડિયમમાં મેચ નિહાળવા જશે. નોંધનીય છે કે અમદાવાદના મોટેરામાં ભારત-ઇગ્લેન્ડ વચ્ચે મેચ થવાની છે. 

ક્રિકેટ ક્ષેત્રે વિશ્વનું સૌથી મોટું સ્ટેડીયમ મોટેરા આંતરરાષ્ટ્રીય મેચો માટે હવે તૈયાર છે અને આગામી 24 ફેબ્રુઆરીથી અહિયાં બે ટેસ્ટ મેચ અને પાંચ 20-20 મેચો સાથે કુલ 7 મેચ રમાવા જઈ રહી છે. 800 કરોડ કરતા પણ વધારેની કિંમત સાથે તૈયાર થયેલા મોટેરા સ્ટેડીયમનું રાષ્ટ્રપતિ અને ગૃહમંત્રી અમિતશાહના હસ્તે 24મીએ લોકાર્પણ પણ થવાનું છે. 

63 એકર જમીન પર તૈયાર કરવામાં આવેલ આંતરરાષ્ટ્રીય સ્ટેડીયમમાં પહોંચતા પહેલા જ એની ભવ્યતા એના બાંધકામ પરથી નજર સામે આવી જાય છે. સ્ટેડીયમમાં પહોંચવા માટે અલગ-અલગ ચાર પ્રવેશ દ્વાર તૈયાર કર્યા છે. સ્ટેડીયમ પરિસર બાદ મુખ્ય મેદાન અને પેવેલિયન પર જવા માટે પણ ખાસ ચાર દિશામાં ચાર એન્ટ્રી પોઈન્ટ રાખવામાં આવ્યા છે. 1.10 લાખ લોકોની બેઠક ક્ષમતા વાળા સ્ટેડીયમમાં પ્રવેશ માટે અનુચિત એન્ટ્રી પોઈન્ટ રાખવામાં આવ્યા છે. 

વિશ્વના સૌથી મોટા સ્ટેડિયમમાં પ્રવેશતા જ એન્ટ્રી પોઈન્ટ પર ખાસ હોલ ઓફ ફેમ ફોટો ગેલેરી આકર્ષણનું કેદ્ર બનશે. કારણ કે, આ ગેલેરીમાં નામ પ્રમાણે, ભારતીય ક્રિકેટની યાદગાર પળોને સાચવવામાં આવી છે. આ સિવાય પણ પ્રધાનમંત્રી નરેદ્ર મોદી અને ગૃહમંત્રી અમિત શાહ જ્યારે જીસીએના ચેરમેન હતા તે સમયની યાદગાર તસવીરો પણ અહીં સાચવવામાં આવી છે. કારણ કે, આપણા પ્રધાનમંત્રીનું જ ડ્રીમ હતું મોટેરાને વિશ્વનું નંબર 1 સ્ટેડિયમ બનાવવાનું. 

શું છે સ્ટેડિયમની ખાસિયત? 

મોટેરા સ્ટેડિયમની એન્ટ્રીતો જોઈ. પરંતુ દર્શકોને તો સ્વાભાવિક પણ સ્ટેડિયમ અંદરથી કેવું સુંદર અને કેટલું વિશાળ છે તે જોવાની ઉત્તેજના હશે. આવો જરા મોટેરાની અંદરનું સુંદરતા અને ખાસિયત પણ જોઈ લઈએ.

ભવ્ય મેદાન તો તમે નિહાળ્યું. પરંતુ આ મોટેરા સ્ટેડિયમની બીજી એક વિશેષતા એ પણ છે કે, અહીંયા કોઈપણ ખૂણેથી બેસીને તમે મેચ જોશો તો તમને બાઉન્ડી દેખાશે. 1.10 લાખ દર્શકો અહીં એક સાથે મેચ નિહાળી શકે છે. એટલું જ નહીં સ્ટેડિયમ એટલા માટે પણ ખાસ છે. કારણ કે, અહીં કૅલ 11 પીચ આવેલી છે. હવે જરા આપને ગ્રાઉન્ડનો નજારો પણ બતાવી દઈએ.