કેન્દ્રીય ગૃહમંત્રી અમિત શાહ 2 દિવસીય ગુજરાત મુલાકાતે આવી પહોચ્યા હતા. બુધવારે મોડી રાતે અમદાવાદના સરદાર પટેલ આંતર રાષ્ટ્રીય હવાઇ મથકે આવી પહોંચેલા દેશના ગૃહમંત્રી અમિત શાહનું મુખ્યમંત્રી વિજય રૂપાણી સહિત કેબિનેટ મંત્રીઓએ કર્યું હતું. ગુજરાત પ્રવાસ દરમિયાન અમિત શાહ અનેક કાર્યક્રમોમાં ભાગ લેશે. તથા સંગઠન સાથે બેઠક પણ કરશે.
કલમ-370 હટાવાયા બાદની પ્રથમ ગુજરાત મુલાકાત
નોંધનીય છે કે, જમ્મુ કશ્મીરમાંથી 370ની કલમ હટાવ્યા બાદ પ્રથમ વખત ગુજરાત આવી રહેલા ગૃહ પ્રધાનને આવકારવા પ્રદેશવાસીઓમાં ઉત્સાહનો માહોલ જોવા મળ્યો હતો.
Gujarat: Home Minister & BJP President Amit Shah arrives at Ahmedabad Airport; received by CM Vijay Rupani & Deputy CM Nitin Patel. He'll tomorrow take part in several programmes including the tree plantation drive of Ahmedabad Municipal Corporation pic.twitter.com/Ut36AQx1Or
નોંધનીય છે કે, 3 મહિનામાં શહેરમાં 10 લાખ વૃક્ષો વાવવામાં આવ્યા ત્યારે મિશન મિલિયન ટ્રીનું સમાપન ગૃહમંત્રીના હસ્તે કરવામાં આવશે. સમાપન કાર્યક્રમ પ્રસંગે વર્ગીસ ટાવર ખાતે 108 વડના વૃક્ષો વાવવામાં આવશે. આપને જણાવી દઇએ કે, 5 જૂન 19ના રોજ આ કાર્યક્રમ શરૂ કરવામાં આવ્યો હતો જે અંતર્ગત લીમડો, પીપળો અને જાંબુડાના વૃક્ષો વધુ વાવવામાં આવ્યા છે.
આ સાથ જ 120 પ્લોટમાં અર્બન ફોરેસ્ટ શરૂ કરવામાં આવ્યા છે. આ સાથે જ વસ્ત્રાલ ખાતે 20 એકર જગ્યામાં વન અભ્યારણ શરૂ કરાયું છે.
મત વિસ્તાર માટે કરશે મંથન
ગાંધીનગર ખાતે ગૃહમંત્રી અમિત શાહ ગુરૂવારે બેઠક કરશે. ગાંધીનગર સર્કીટ હાઉસ ખાતે તેઓ બેઠક કરશે. ડિસ્ટ્રીક્ટ ડેવલપમેન્ટ કો-ઓર્ડીનેશન એન્ડ મોનિટરીંગ કમિટીની બેઠક યોજાશે. જિલ્લા કલેકટર સહિત સબંધિત અધિકારીઓ આ બેઠકમાં હાજર રહેશે. ગાંધીનગરના સાંસદ તરીકે અમિત શાહ આ કમિટીના ચેરમેન છે. તેઓ જિલ્લાના વિકાસ કાર્યો અને યોજનાઓની સમીક્ષા કરશે. તેમજ વિકાસ યોજનાઓના ભાવી આયોજન અંગે પણ ચર્ચા કરશે.
ગુજરાતની પ્રથમ બેટરી સંચાલિત AMTS બસનું કરાવશે પ્રસ્થાન
Union Home Minister and BJP National President Shri @AmitShah’s rousing reception on his arrival at Ahmedabad airport. pic.twitter.com/gsZxT9sHrN
અમિત શાહ સાયન્સ સિટીમાં કોર્પોરેશન મિલિયન ટ્રી કાર્યક્રમમાં હાજર રહેશે. આ ઉપરાંત ગુજરાતની પ્રથમ બેટરી સંચાલિત AMTS બસનું પ્રસ્થાન કરાવશે. તેમજ અમિત શાહ ગાંધીનગરમાં રાજ્યોના તમામ કલેક્ટર સાથે બેઠક કરશે. જેમાં ગાંધીનગર ખાતે ભારત સરકારની યોજનાઓને લઈ ચર્ચા કરવામાં આવશે.
ઈલેકટ્રીક બસના ફાયદા
ઇલેક્ટ્રીક બસ હોવાથી હવા અને અવાજ પ્રદૂષણથી રાહત મળશે
ઓટોમેટિક ટ્રાન્સમિશન અને એર સસ્પેન્શનથી સજ્જ હશે બસો
બસ ઓટોમેટિક ફાયર ડિટેક્શન ટેકનોલોજીથી સજ્જ
ઓટોમેટિક ડોર સેન્સર હોવાથી ચાલુ બસે દૂર્ઘટનાની શક્યતા રહેતી નથી