આ તમામ નેતાઓની ગણતરી યુવા નેતાઓમાં થાય છે. તમામ નેતાઓ પોતાના મતદારો અને પોતાના પક્ષમાં સારૂ પ્રભુત્વ પણ ધરાવે છે. જેમાં જ્યોતિરાદિત્ય સિંધિયાએ કોંગ્રેસનો છેડો ફાડીને ભાજપનો હાથ પકડતા કોંગ્રેસ પર સવાલ પણ ઉઠ્યા છે. કોંગ્રેસ પોતાના યુવા નેતાઓને જોડી રાખવામાં નિષ્ફળ રહેતી હોવાના પણ આક્ષેપો થયા.
યુવાનેતાનો મતલબ શું?
અમિત શાહ સિંધિયા કરતા માત્ર 6 વર્ષ મોટા
શાહને કેમ નથી કહેવાતા યુવા નેતા?
પરંતુ દેશમાં યુવા નેતા હોવાનો અર્થ શું છે તે અંગે ક્યારેય ચર્ચા નથી થતી. શું તમે ક્યારેય વિચાર્યું છે કે, દેશના ગૃહમંત્રી પણ યુવાનેતા છે? હા, ભાજપના મોટાભાઈ અમિત શાહ રાહુલ ગાંધી અને સિંધિયા કરતા માત્ર 6 વર્ષ જ મોટા છે.
અમિત શાહ આ પોપ્યુલર છબીના બીબામાં ફીટ નથી બેસતા
ભારતમાં વારસાગત રાજનીતિને જોતા એવુ લાગે કે આ પરિવારોમાંથી આવનારા નેતાઓને જ યુવા કહેવામાં આવે છે. પછી ભલે તેમની ઉમર 40 કે 50 વર્ષની આસપાસ હોય.. જેમકે જ્યોતિરાદિત્ય સિંધિયા, રાહુલ ગાંધી, પ્રિયંકા ગાંધી સચિન પાયલટ, અખિલેશ યાદવ, ઓમર અબ્દુલ્લા..અથવા તો પછી એવા નેતાઓ જેના ચહેરાઓ યુવાન દેખાતા હોય, શરીર ફીટ હોય, સટાસટ અંગ્રેજી બોલતા હોય અથવા તો વોક પર્સનાલિટી ધરાવતા હોય તેવા નેતાઓને પણ યુવા માનવામાં આવે છે. પરંતુ અમિત શાહ આ પોપ્યુલર છબીના બીબામાં ફીટ નથી બેસતા. 55 વર્ષની ઉમરમાં સૌથી યુવા અને સૌથી સફળ રાજનેતા હોવા છતા અમિત શાહની છબી યુવા નેતાની નથી બની.
ભાજપના કાર્યકરો અમિત શાહની વાતને સન્માનપૂર્વક સાંભળે છે
ભાજપના કાર્યકરો અમિત શાહની વાતને સન્માનપૂર્વક સાંભળે છે તેમના એક એક આદેશને શિરોમાન્ય રાખે છે. જેવી રીતે ક્રિકેટમાં સચિન રન મશીન છે તેવી રીતે અમિત શાહ પણ ભાજપ માટે ઇલેક્શન મશીન છે. અમિત શાહની બાયોગ્રાફી અમિત શાહ એન્ડ ધ માર્ચ ઓફ ધ બીજેપીને ખુબ સારો પ્રતિસાદ મળ્યો છે. ભાજપના નેતાઓ આ બાયોગ્રાફીને ભારતીય રાજનીતિની બાઇબલ તરકે ખપાવે છે. આટલી હદે સફળ રાજનેતા હોવા છતા અમિત શાહને ઉમરના આધારે યુવા નેતાનું બિરુદ નથી મળી રહ્યું. અમિત શાહનો સ્વભાવ પણ અન્ય યુવાનેતાઓની જેમ ગુમાની, આક્રમક, અતિ આત્મવિશ્વાસી છે.
પોતાની જાતને યૂથ આઇકોન બનાવવામાં થયાં સફળ
અમિત શાહ ભલે પોતે યુવા નેતા તરીકે પ્રસ્થાપિત ન થયા હોય પરંતુ તેઓ પોતાની જાતને યૂથ આઇકોન બનાવવામાં સફળ થયા છે. તેઓ એવા આઇકોન છે જે રૂઢીગત વિચારો અને મોડર્નિટીને એક સાથે લઈને ચાલે છે. તેઓ હિન્દુત્વના ભવ્ય ભૂતકાળને વારંવાર વાગોળે છે અને સાથે પોતાના પરિવારના માધ્યમથી પોતાની આધુનિક પરિવારની છબી પણ બનાવી રાખે છે. એટલે કે તેઓ એ વાતને બરાબર સમતુલિત કરે છે કે તેમની રૂઢીગત માન્યતાથી આધુનિક યુવાનોને સૂગ ન ચડે.. તેઓ આધુનિક રાજનીતિમાં પણ ચાણક્યની પ્રાસંગિકતા બનાવી રાખવામાં સફળ થયા છે.
અમિત શાહ એક બ્રાંડ બની ચુક્યા છે
નવા ભાજપના તમામ નાના મોટા નેતાઓ અટલ અડવાણી નહી પરંતુ અમિત શાહ બનવા માગે છે. અમિત શાહ એક બ્રાંડ બની ચુક્યા છે. રાજનીતિમાં 55 વર્ષની ઉમરમાં નેતાને યુવા માનવામાં આવે છે પરંતુ અમિત શાહ અપવાદ છે. તેઓ યુવા અવસ્થામાં જ પીઢ નેતા બની ચુક્યા છે.